Kubudisi khulu ngabantu abanengi ephasini loke ukwenza imali eyaneleko bona baphile begodu lokhu kuragela phambili kuba budisi khulu.

•   Ngokombiko wamva nje wephasi loke, a “izinga lemali abantu abayifumanako liyehla.” Umbiko lo uyelelisa ngokuthi nange kungabi nento eyenziwako, kuzokuba nokuhluka okukhulu hlangana kwabantu abanjingileko nabangakanjingi begodu imindeni eminengi izokuphila kabuhlungu ukudlula phambilini.

 Inga-kghani aborhulumende bazokukghona ukulungisa ubujamo obubudisobu bezomnotho namkha babenze bube ngcono?

 IBhayibheli lihlathulula ukuthi kunorhulumende ongakghona ukulungisa yoke imiraro yezomnotho nokungalingani begodu uzokwenza njalo. Lithi, “uZimu wezulwini uzokubeka umbuso,” urhulumende munye bona anqophise yoke into eyenzeka ephasini. (Danyela 2:44) Ngaphasi korhulumende loyo, akekho ozokulitjalwa namkha atjhiywe emva. (IRhubo 9:18) UmBuso kaZimu uzokuqinisekisa ukuthi izakhamuzi zawo zifumana ezikutlhogako bona zithabe. Zoke zizokuthabela iimbusiso ngebanga lomsebenzazo obudisi.—Isaya 65:21, 22.