“Umnotho wephasi loke usengozini godu,” kutjho umongameli wesiQhema seBhanka yePhasi (World Bank Group) embikweni wangoJuni 2022. “Amanani wezinto akhuphuka ngezinga elirarako kukulapho abantu banganayo imali eyaneleko.”

 Ihlangano ye-International Monetary Fund ithi, “iimbaseli namanani wokudla kukhuphuke ngendlela erarako, okwenza iinarha ezifumana umrholo omncani zidose emhlweni.”

 IBhayibheli lisisiza sizwisise ukuthi kubayini siqalana nokuwa komnotho, singaqalana njani nakho begodu ngiliphi ithemba esinalo lesisombululo esizokuhlala ngokungapheliko.

•   IBhayibheli lithi siphila “emihleni yokuphela.”—2 Thimothi 3:1.

•   UJesu wathi ‘imibono esabekako,’ namkha izenzakalo ezithusako zizokwenzeka esikhathinesi. (Lukasi 21:11) Ukukhuphuka kwentengo kwenza abantu basabe. Abantu batshwenyeka ngengomuso nokuthi bazokukghona na ukutlhogomela imindenabo.

•   Incwadi yesAmbulo yabikezela ukukhuphuka kwentengo yokudla hlangana nesikhathesi. “Ngezwa okuthileko okuzwakale njengelizwi. . . . Kwathi, ‘Ikhilogremu yekoroyi namkha amakhilogremu amathathu webhali uzowathenga ngomrholo welanga.’”—IsAmbulo 6:6, Ngokwetjhugululo ye-Easy-to-Read Version.

 Ukufunda okungeziweko “ngemihla yokuphela” nangesiphorofido esisencwadini yesAmbulo, bukela ividiyo ethi, Umhlaba Uye Washintsha Kusukela Ngo-1914 begodu ufunde isihloko esithi, “Abakhweli Beenjomani Ezine—Babobani?”

•   “Bazakwakha iinkumba bebahlale kizo, batjale iindiribe, bagome isithelo sakhona. Angeze bakha bese kuhlala omunye, batjale bese kugoma omunye.”—Isaya 65:21, 22.

•   “Inga kungabakhona inala enarheni, ngitjho neenqongweni zeentaba.”—IRhubo 72:16.

•   UJehova “uthi: ‘Ngebanga lokobana abadududu bayadlelezelwa, abachakileko bayabubula, mina ngizakusikima kwanjesi.’”—IRhubo 12:6. a

 Ingasikade uZimu uzokuqeda ubujamo bezomnotho obunganabulungisa, ingasi enarheni yinye kodwana ephasini loke. Ukuthi njani, funda isihloko esithi, “Ingabe Isimo Sezomnotho Esanelisa Bonke Abantu Siyoke Sibe Khona?”

 Ngitjho nanamhlanjesi, iBhayibheli lingakusiza ukghone ukuqalana nokukhuphuka kwentengo. Njani? Linezeluleko ezingasisiza sisebenzise imali ngokuhlakanipha. (IzAga 23:4, 5; UMtjhumayeli 7:12) Bona ufunde okungeziweko, funda isihloko esithi, “Vikela Imali Nezinto Onazo” nesithi, “Indlela Ongaphila Ngayo Ngokuncane.”