Izenzo zenturhu ezenzeka kwezepolotiki, zitshwenya abantu abanengi ephasini loke.

•   Ukubulawa kwamalunga ayi-39 wezepolotiki kuhlanganise nezinye izenzo zenturhu yezepolotiki zikhuphuke khulu e-Mexico ngesikhathi samakhetho wango-2023-2024.

•   Muva nje e-Europe kube nezenzakalo zenturhu yezepolotiki, ezihlanganisa ukulinga ukubulala undunakulu we-Slovakia ngoMeyi 15, 2024.

•   Abantu be-United States bathukiwe ngemva kokulinga ukubulawa kobekangumengameli u-Donald Trump ngoJulayi 13, 2024.

 Kubayini kunenturhu engaka kezepolotiki? Kghani izakhe iphele? Lithini iBhayibheli?

 IBhayibheli labikezela ukuthi esikhathini sethu, esibizwa ngokuthi ‘mimihla yokuphela,’ abantu abanengi bazokuba nemikghwa ebangela inturhu nokuphikisana.

•   ‘Emihleni yokuphela kuzakufika iinkhathi ezibudisi okubudisi ukuqalana nazo. Ngombana abantu bazakuba . . . ngabangathokoziko, abangakathembeki, . . . abangafuni isivumelwano, . . . abanelaka, . . . abathengisa abanye, abanekani, abakhukhumele ngokuzigqaja.’—2 Thimothi 3:1-4.

 Godu iBhayibheli labikezela ukuthi ukungazwani okunjengokuvukela urhulumende nemiguruguru yezepolotiki kuzokuba zizinto ezijayelekileko esikhathini sethu. (Lukasi 21:9) Nanyana kunjalo, inturhu yezepolotiki nokuhlukana okukhona angeze kwaba khona unomphela.

 IBhayibheli lihlathulula ukuthi uZimu uzokujamiselela boke aborhulumende babantu ngorhulumendakhe osezulwini.

•   “UZimu wezulwini uzokubeka umbuso . . . uzokutshidlha uqede yoke imibuso le begodu wona uzokujama ngokungapheliko.”—Danyela 2:44.

 UmBuso kaZimu uzokwenza abantu babe nobunye begodu uzokwenza iphasi loke libe yindawo enokuthula.

•   UMbusi wawo uJesu Krestu, ubizwa ngokuthi “yiKosana yokuThula,” begodu uzokuqinisekisa ukuthi ‘ukuthula angeze kuphele.’—Isaya 9:6, 7.

•   Ngitjho nanje, labo ababuswa mBuso lo bafunda ukuhlala ngokuthula. Ngebanga lalokho, iBhayibheli lithi: ‘Bazokwenza iinsabula zabo zibe maplurhu nemikhontwabo ibe mimikhwa yokuthena imithi. Isitjhaba angeze sisaphakamisela esinye isitjhaba isabula, namkha sifunde ipi.’—Isaya 2:3, 4.

 Bona ufunde okungeziweko, funda isihloko esithi “Yini Eyofezwa UMbuso KaNkulunkulu?” bese ubukela ividiyo ethi Uyini Umbuso KaZimu?