Iindaba zizele imibiko yabantu abatjho izinto ezinehloyo namkha abenza izinto ngenturhu ngebanga lebandlululo, nabantu abasahlela abanye ngebanga lokuthi bavela kezinye iintjhaba nangebanga lepi.

•   “Namhlanjesi kwezokuthintana kuzele ikulumo enehloyo kunangaphambili ngebanga lokulwa okukhona hlangana kwe-Israel neGaza nangebanga labantu abakhuthaza inturhu nehloyo.”​—Ngokwe-The New York Times, kaNovemba 15, 2023.

•   “Kusukela ngo-Oktoba 7, kube nekulumo enengi enehloyo nenturhu ngebanga lebandlululo kunangaphambili.”​—Ngokwaka-Dennis Francis, umongameli we-United Nations General Assembly, Novemba 3, 2023.

 Ikulumo enehloyo, inturhu nezipi, akusizizinto ezitja. Eqinisweni, iBhayibheli lihlathulula labo esikhathini esidlulileko ‘[abanqophisa] amezwabo ahlabako njengemisubela’ nalabo abakhuthaza ipi nenturhu. (IRhubo 64:3; 120:7; 140:1) Nanyana kunjalo iBhayibheli lihlathulula ukuthi ihloyo esiyibona namhlanjesi inento eqakathekileko eyitjhoko.

 IBhayibheli liveza amabanga amabili wokuthi kubayini kunehloyo engaka namhlanjesi.

1.  1. Labikezela ngesikhathi lapho “ithando labanengi lizokuphola.” (Matewu 24:12) Abantu kunokobana babe nethando bebazoziphatha ngendlela eyenza abantu bahloyane.​—2 Thimothi 3:1-5.

2.  2. Izinga lehloyo namhlanjesi litjengisa ukukhohlakala kwakaSathana uDeveli. IBhayibheli lithi, “iphasi loke lisemandleni kaSathana.”—1 Jwanisi 5:19; IsAmbulo 12:9, 12.

 Nanyana kunjalo, iBhayibheli liveza nokuthi ingasikade uZimu uzokuqeda unobangela wehloyo. Ngaphezu kwalokho uzokususa boke ubuhlungu obubangelwe yihloyo. IBhayibheli lithembisa ukuthi:

•   UZimu “uzokusula zoke iinyembezi emehlwenabo, ukufa angekhe kusaba khona namkha isizi namkha ukulila namkha ubuhlungu angekhe kusaba khona. Izinto zaphambilini zidlulile.”—IsAmbulo 21:4.