HLALANI NILINDILE!
U-2022 Mnyaka Wetjharagano—Lithini IBhayibheli?
Hlangana nomnyaka ka-2022, besisolo sizwa imibiko yeendaba ezimbi malungana nepi, imiraro yezomnotho neenhlekele zebhoduluko. LiBhayibheli kwaphela elihlathulula bona izintwezi zitjho ukuthini.
Ihlathululo ezeleko malungana nezinto ezenzeka ngo-2022
Izinto ezenzeke emnyakeni ogadungileko zenza kukhanye bona siphila esikhathini iBhayibheli elisibiza ngokuthi ‘mimihla yokuphela.’ (2 Thimothi 3:1) Isikhatheso sathoma ngomnyaka ka-1914. Akhubone ukuthi izehlakalwezi zivumelana njani nalokho iBhayibheli elabikezela ukuthi kuzokwenzeka esikhathini sethu:
‘Izipi.’—Matewu 24:6.
“U-2022 Bekumnyaka Ipi Ethusako Eyabuya Ngayo eYurobhu.” a
Qala isihloko esithi “IRussia Ihlasela i-Ukraine.”
‘Ukutlhayela kokudla.’—Matewu 24:7.
“U-2022: Mnyaka Wendlala Ekulu.” b
Qala isihloko esithi “Ipi Ye-Ukraine Yandisa Ukutlhayela Kokudla Ephasini Loke.”
‘Izifo ezibulalako.’—Lukasi 21:11.
“Ukubuya kwe-polio, i-monkeypox kubangele umraro omkhulu begodu i-COVID-19 isolo yenza umonakalo omkhulu. Ubujamobu buveze kuhle ukuthi izifo ezithathelanako ziyingozi kangangani nokuthi abantu basengozini engangani.” c
Qala isihloko esithi “Ukufa Kwabantu Abayi-6 Miliyoni Ngebanga Le-COVID.”
‘Imibono esabekako.’—Lukasi 21:11.
“Umtjhiso omkhulu, isomiso, ukutjha kwamahlathi, neenkhukhula. Ihlobo laka-2022 sizolikhumbula khulu ngezehlakalo ezithusako zobujamo bezulu ezenze umonakalo, zabulala iinkulungwana zabantu, zabangela namamiliyoni wabantu ephasini loke bona balahlekelwe zizindlu zabo.” d
Qala isihloko esithi “Ukukhuphuka Kwamazinga Wokutjhisa Ngokudluleleko Ephasini Loke.”
‘Imiguruguru.’—Lukasi 21:9.
“Abantu basilingeke khulu ngebanga lemiraro yezomnotho nokukhuphuka khulu kwentengo, lokho kwenze bona kube nemiguruguru emikhulu ephikisana norhulumende ngo-2022.” e
Qala isihloko esithi “Ukukhuphuka Kwentengo Ephasini Loke.”
Khuyini ezokwenzeka umnyaka ozako?
Akekho owaziko ukuthi kuzokwenzekani emnyakeni ka-2023. Esikwaziko kukuthi kungasikade, umBuso kaZimu, namkha urhulumende wezulwini, uzokuletha amatjhuguluko amakhulu ephasini. (Danyela 2:44) Urhulumende loyo, uzokususa izinto ezitlhagisa abantu, uqinisekise ukuthi intando kaZimu iyenziwa ephasini.—Matewu 6:9, 10.
Sikukhuthaza bona ulalele isikhuthazo sakaJesu Krestu begodu ‘uhlale uqalile’ ukuthi izinto ezenzeka ephasini zisizalisa njani isiphorofido seBhayibheli. (Markosi 13:37) Sikubawa bona ukhulume nomunye waboFakazi bakaJehova bona ufunde okungeziweko malungana nokuthi iBhayibheli lingakusiza njani nje nokuthi lingakunikela njani wena nomndenakho ithemba lamambala bona ube nengomuso elihle.
a AP News, “2022 Was Year the Horror of War Returned to Europe,” by Jill Lawless, December 8, 2022.
b World Food Programme, “A Global Food Crises.”
c JAMA Health Forum, “Living in an Age of Pandemics—From COVID-19 to Monkeypox, Polio, and Disease X,” by Lawrence O. Gostin, JD, September 22, 2022.
d Earth.Org, “What’s Behind the Record-Breaking Extreme Weather Events of Summer 2022?” by Martina Igini, October 24, 2022.
e Carnegie Endowment for International Peace, “Economic Anger Dominated Global Protests in 2022,” by Thomas Carothers and Benjamin Feldman, December 8, 2022.
Okhunye Ongakuthabela
ISITHALA
Ingasikade UZimu Uzokuqeda Boke Ubuhlungu
Singazi njani bona ingasikade, uZimu uzokuthatha amagadango wokuqeda boke ubuhlungu nokungabi nobulungiswa?
IIMFUNDISO ZEBHAYIBHELI EZIQAKATHEKILEKO
Uyini UmBuso KaZimu?
Emsebenzinakhe wokutjhumayela, uJesu wafundisa ngomBuso kaZimu ukudlula nanyana ngiyiphi indaba. Sekuminyaka eminengi, abalandeli bakhe bathandazela umBuso loyo bona uze.
UKWAZI NGATHI
Bawa Isifundo SeBhayibheli
Fundelwa iBhayibheli endaweni nangesikhathi esivumelana nawe.
