NgoMeyi 19, 2022, ihlangano i-United Nations Security Council yezwa ngeenkhulu ezingaphezu kwama-75 ukuthi “umraro wokutlhayela kokudla ephasini loke obangelwe yisindabelaphi i-COVID-19 nokutjhuguluka kobujamo bezulu, sele wandile ngebanga lepi ye-Ukraine.” Ngemva kwalokho, iSazi sezoMnotho sathi “Ipi le izokubangela indlala ekulu ephasini loke.” IBhayibheli labikezela ukuthi kuzokutlhayela ukudla esikhathini sethu kodwana linikeza nesizo lokuthi singaqalana njani nakho.

•    UJesu wathi: “Isitjhaba sizokulwa nesitjhaba, umbuso ulwe nombuso, kuzokuba nokutlhayela kokudla.”—Matewu 24:7.

•    Incwadi yeBhayibheli isAmbulo ihlathulula iinjomani ezine ezingokomfanekiso nabakhweli bazo. Yinye yazo ijamele izipi. Ilandelwa ngenye ejamele indlala, okutjho isikhathi lapho kuzokuba budisi ukufumana ukudla begodu kubize imali enengi. “Ngabona injomani enzima nomkhwelayo aphethe isikali esandleni. Ngezwa okunjengelizwi . . . Lathi, ‘Uzokuthenga ikhilogremu lekoroyi ngomrholo welanga! Namakhilogremu amathathu webhali uzowathenga ngomrholo welanga.’”—IsAmbulo 6:5, 6, ngokwetjhugululo ye-Contemporary English Version.

 Iimphorofido zeBhayibhelezi ngokutlhayela kokudla ziyazaliseka nje, esikhathini iBhayibheli esilibiza ngokuthi ‘mimihla yokuphela.’ (2 Thimothi 3:1) Bona ufumane okungeziweko ‘ngemihla yokuphela’ nangabakhweli beenjomani ezine okukhulunywa ngabo kusAmbulo, bukela ividiyo ethi, Umhlaba Uye Washintsha Kusukela Ngo-1914 bese ufunde nesihloko esithi, “Abakhweli Beenjomani Ezine—Babobani?”

•    IBhayibheli lineseluleko esingasisiza siqalane nokukhuphuka kwentengo yokudla namkha ukutlhayela kokudla. Qala iimbonelo esihlokweni esithi, “Indlela Ongaphila Ngayo Ngokuncane.”

•    IBhayibheli libuye lisinikele ithemba lokuthi izinto zizokuba ngcono. Lisitjela ngesikhathi lapho kuzokuba ‘nenala enarheni’ begodu woke umuntu uzokuba nokudla okunengi. (IRhubo 72:16) Bona ufunde okungeziweko ngethemba iBhayibheli esinikela lona ngengomuso nokuthi kubayini ungalithemba funda esithi, “A Real Hope for a Better Tomorrow.”