E-Haiti kunenturhu ebangelwa ziinqhema zeenlelesi. Kunenturhu ebangela umtlhago eSewula Afrika, e-Mexico kuhlanganise neenarheni ezinye ezise-Latin America. Ngitjho neenarheni lapho inturhu ingasese yinengi khona, abantu basazizwa bangakavikeleki begodu batshwenyekile ngombana bezwa imibiko yobulelesi njengokweba, ukutjhabalalisa nokutjhisa imakhiwo.

 Lithini iBhayibheli ngokwanda kokungabi namthetho okwenzeka ephasini loke?

 IBhayibheli labikezela ukuthi ukungabi namthetho kuzokuba litshwayo ‘lokuphela kwephasi.’ (Matewu 24:3) UJesu Krestu nakahlathulula izenzakalo eziyingcenye yetshwayelo wathi:

•   “Ngebanga lokwanda kokungabi namthetho, ithando labanengi lizokuphola.”—Matewu 24:12.

 IBhayibheli labikezela nokuthi “emihleni yokuphela” abantu bazokuba ngilabo “abangazibambiko, abanelaka, abangakuthandi okuhle.” (2 Thimothi 3:1-5) Ubuntu obunjalo benza kube nokungabi namthetho esikubona namhlanjesi.

 Kodwana sinebanga elihle lokuba nethemba. IBhayibheli lithembisa ukuthi ingasikade ukungabi namthetho kuzokupheliswa.

•   “Sekusele kancani ukuthi abakhohlakeleko bangasaba khona; uzokuqala lapho ebebakhona, kodwana bazabe bangekho. Kodwana abathobekileko bazokuzuza iphasi, bazokuthaba khulu ngokuthula okukhulu.”—IRhubo 37:10, 11.

 Funda okungeziweko ngomlayezo weBhayibheli wethemba nokuthi kubayini ungaqiniseka ukuthi izenzakalo esizibona namhlanjesi zizalisa isiphorofido seBhayibheli. Qala iinhloko ezilandelako.

 “Ithemba Langempela Lekusasa Elingcono”

 “Zibonakala Ngani “Izinsuku Zokugcina,” noma “Isikhathi Sokuphela”?

 “Ingabe IBhayibheli Layibikezela Indlela Abantu Abacabanga Nabenza Ngayo Namuhla?”