“Ngebanga lokuthi i-COVID-19 ayisese bujamo oburhabako bezepilo, lokho akukafuzi kusenze sicabange ukuthi ayisiyingozi eempilweni zabantu.. . . Siyaqiniseka ukuthi kuzokuba nomunye umhlobo wesindabelaphi esikhathini esizako begodu kufuze siyilungele.”—Ngokwaka-Dr. Tedros Adhanom Ghebreyesus, umnqophisi we-World Health Organization, Meyi 22, 2023.

 Abantu abanengi namhlanjesi bayagula emzimbeni nemkhumbulweni ngebanga lemiphumela yesindabelaphi i-COVID-19. Kghani aborhulumende neenhlangano ezitlhogomela ipilo yabantu bazoyilungela isindabelaphi elandelako, ingasaphathwa yokurarulula imiraro yepilo ekhona?

 IBhayibheli lisitjela ngomBuso ozosinikela isizo esilitlhogako kwezepilo. Lithi, “uZimu wezulwini uzokubeka umbuso” namkha urhulumende. (Danyela 2:44) Nakubusa urhulumende loyo, “asikho isakhamuzi esizokuthi: ‘Ngiyagula.’” (Isaya 33:24) Woke umuntu uzokuthabela ukuba nepilo ehle begodu abe namandla njengalokha asesemutjha.—Jobho 33:25.