Yesibili YamaKhosi 19:1-37
19 Msinyana iKosi uHezekiya nayizwa lokhu, yarathula izambatho zayo, yambatha umgodla yatjhinga endlini kaJehova.+
2 Ngemva kwalokho, yathuma u-Eliyakhimu obekamphathi wesigodlo, uTjhebina unobhala nabadala babaphristi, bambethe imigodla, wabathuma ku-Isaya+ umphorofidi indodana ka-Amotsi.
3 Bathi kuye: “UHezekiya uthi, ‘Leli lilanga lokugandeleleka, lokukhalima* nelehlazo; ngombana abantwana balungele ukubelethwa kodwana amandla wokubeletha awekho.+
4 Mhlamunye uJehova uZimakho uzowezwa woke amezwi kaRabitjhaki, loyo ikosi ye-Asiriya umphathayo emthumele bona azokunyefula uZimu ophilako+ begodu uzomenza aziphendulele ngamezwi uJehova uZimakho awezwileko. Nje-ke sibawa uthandazele+ abaseleko abasindileko.’”
5 Yeke iinsebenzi zeKosi uHezekiya zaya ku-Isaya,+
6 u-Isaya wathi kizo: Ngilokhu okufuze nikutjele ikosenu, ‘UJehova uthi: “Ungasabi+ ngebanga lamezwi owezwileko, amezwi iinsebenzi zekosi ye-Asiriya ezingihlambalaze ngawo.+
7 Ngifaka umcabango emkhumbulwenakhe* begodu uzokuzwa umbiko abuyele enarhenakhe; ngizomenza abulawe ngesabula enarhenakhe.”’”+
8 URabitjhaki nakezwa bona ikosi ye-Asiriya ikhambile eLakitjhi,+ wabuyela kiyo wayifumana ilwa neLibhina.+
9 Nje-ke ikosi yezwa kukhulunywa ngoTirihakha ikosi yeTopiya, kuthiwa: “Uphumele ukuzokulwa nawe.” Yeke yathumela iinthunywa+ godu kuHezekiya, yathi:
10 “Ngilokhu ekufuze nikutjho eKosini yakwaJuda uHezekiya, ‘Ungavumeli uZimakho othembele kuye akukhohlise ngokuthi athi: “IJerusalema angeze yanikelwa esandleni sekosi ye-Asiriya.”+
11 Qala! Uzwile bona amakhosi we-Asiriya enzeni kizo zoke iinarha ngokuzinikela ekutjhatjalalisweni.+ Ucabanga bona nguwe kwaphela ozokusindiswa?
12 Kghani abozimu beentjhaba abatjhatjalaliswa bokhokho bami bazisindisa na? Iphi iGozani, iHarana,+ iRetsefu nabantu be-Edeni egade baseTelasari?
13 Iphi ikosi yeRhamathi, ikosi ye-Ariphadi nekosi yemadorobheni weSefarivayimu, weHena newe-Ava?’”+
14 UHezekiya wathatha iincwadi ebeziphethwe ziinthunywa wazifunda. Ngemva kwalokho, uHezekiya wakhuphukela endlini kaJehova wazibeka phambi kwakaJehova.+
15 UHezekiya wathoma ukuthandaza+ kuJehova wathi: “Jehova Zimu ka-Israyeli, ohlezi esihlalweni sobukhosi ngaphezu kwamakherubhi,*+ wena wedwa unguZimu weqiniso wayo yoke imibuso yephasi.+ Wenze izulu nephasi.
16 Lalelisisa Jehova bese uzwe!+ Vula amehlwakho+ Jehova bese ubone! Yizwa amezwi uSanirheribu awathumeleko bona anyefule ngawo uZimu ophilako.
17 Kuliqiniso Jehova ukuthi amakhosi we-Asiriya atjhabalalise iintjhaba neenarha zazo.+
18 Aphosele nabozimu bazo emlilweni ngombana bebangasibozimu+ kodwana bebamsebenzi wezandla zabantu,+ iingodo namatje. Kungebangelo akghone ukubatjhabalalisa.
19 Nje-ke Jehova Zimethu, sibawa usisindise esandleni sakhe, bona yoke imibuso yephasi yazi bona wena wedwa unguZimu, Jehova.”
20 U-Isaya indodana ka-Amotsi wathumela uHezekiya umlayezo othi: “UJehova uZimu ka-Israyeli uthi, ‘Ngiwuzwile umthandazwakho+ malungana noSanirheribu ikosi ye-Asiriya.+
21 Nanti ilizwi uJehova alikhulume ngokujamelene naye:
“Intombi yeZiyoni iyakunyenya, ihlekise ngawe.
Indodakazi yeJerusalema ikunikinela ihloko.
22 Ngubani omnyefulileko bewamhlambalaza?+
Ngubani omphakamisele ilizwi+Wamphakamisela amehlo azikhakhazisako?
NgoCwengileko ka-Israyeli!+
23 Unyefule uJehova+ ngeenthunywa zakho,+ wathi,‘Ngeenkarana zami zepi ezinengiNgizokukhuphukela phezulu eentabeni,Eengcenyeni ezikude zeLibhanoniNgizokuqunta imisedari yalo emide, nemithalo yomjunipha ekhethekileko.
Ngizokungena eendaweni zalo zokuphumula ezikude khulu, emahlathinayo amahle.
24 Ngizokwemba imithombo, ngisele namanzi wakwezinye iinarha;Ngizokomisa yoke imilambo yeGibhide* ngeenyawo zami.’
25 Awukezwa na? Ngaqunta kusukela kade.+
Ngakulungiselela kusukela emihleni edlulileko.+
Nje-ke ngizokwenza kwenzeke.+
Uzokutjhabalalisa amadorobho avikelekileko abe liqubi lamarubhi.+
26 Abantu abahlala lapho akunalitho abazolenza;Bazokusaba bebahlaziswe.
Bazokuba njengeentjalo ezisesimini notjani obuhlaza,+Njengotjani okufulelwe ngabo obutjhiswa mumoya wepumalanga.
27 Ngazi koke okwenzako: nawuhlalako, nawuphumako, nawungenako,+Nalokha nawusilingekileko ngebanga lami,+
28 Ngombana ukungibhokela kwakho ngelaka+ nokubhodla kwakho kufikile eendlebeni zami.+
Yeke ngizokufaka iwugwami epumulwenakho netomu lami+ hlangana neendebe zakho,Ngizokudosa ubuyele emva ngendlela oze ngayo.”+
29 “‘Lokhu kuzokuba litshwayo kuwe:* Umnyaka lo uzokudla okuzimilelako; ngomnyaka wesibili uzokudla iinthoro ezitlhurha lapho;+ ngomnyaka wesithathu uzokutjala imbewu bewuvune, uzokutjala amasimu wamadiribe bewudle iinthelo zawo.+
30 Bendlu kaJuda abaphunyurhileko, labo abaseleko,+ imirabhabo izokudzimelela phasi begodu bathele iinthelo phezulu.
31 Abaseleko bazokuphuma eJerusalema nabasindileko baphume eNtabeni iZiyoni. Itjiseko kaJehova wamabutho izokwenza lokhu.+
32 “‘Yeke nakhu uJehova akutjhoko malungana nekosi ye-Asiriya:+
“Angekhe ingene edorobheneli+Namkha idumuze umcibitjholo laphoNamkha ize kilo iphethe isihlanguNamkha yenze indunduma yokulisahlela.+
33 Izokubuyela emva ngendlela eze ngayo;Angekhe ingene edorobheneli,” kutjho uJehova.
34 “Ngizolivikela idorobheli+ begodu ngizolisindisa ngebanga legama lami+Nangebanga lencekwami uDavida.”’”+
35 Ngobusukobo ingilozi kaJehova yaphuma yabulala amadoda azii-185 000 ekampeni yama-Asiriya.+ Kwathi abantu nabavukako ekuseni, babona zoke iindumbu.+
36 Nje-ke iKosi uSanirheribu ye-Asiriya yakhamba yabuyela eNiniva+ yahlala khona.+
37 Kwathi isakhothame endlini kazimayo,* uNisiroki, amadodanayo u-Adrameleki noSaretseri ambulala ngesabula+ begodu abalekela enarheni ye-Ararathi.+ Indodanakhe u-Esari-rhadoni+ yaba yikosi esikhundleni sakhe.
Imitlolo Ephasi
^ Namkha “lehlamba.”
^ NgesiHebheru, “ummoya kuye.”
^ Namkha kungenzeka “hlangana namakherubhi.”
^ Namkha “imilanjana yeNayili.”
^ Kutjho uHezekiya.
^ Namkha “ethempelini lakazimakhe.”
