Yesibili YeenKronike 26:1-23
26 Ngemva kwalokho, boke abantu bakwaJuda babeka u-Uziya+ obekaneminyaka eli-16 ubudala bona abe yikosi esikhundleni sakayise u-Amaziya.+
2 Ngemva kobana ikosi* ilaliswe nabokhokho bayo,+ wakha kabutjha i-Elothi+ begodu wayibuyisela kuJuda.
3 U-Uziya+ bekaneminyaka eli-16 nakaba yikosi, wabusa iminyaka ema-52 eJerusalema. Igama lakanina bekunguJekholiya weJerusalema.+
4 Waraga nokwenza okuhle emehlweni kaJehova njengombana kwenza uyise u-Amaziya.+
5 Wasolo alotjha uZimu emihleni kaZakariya, owamfundisa ukusaba uZimu weqiniso. Ngesikhathi asalotjha uJehova, uZimu weqiniso wambusisa.+
6 Waphuma wayokulwa namaFilista,+ wagiriza iboda lakwaGathi,+ iboda lakwaJabine+ neboda lakwa-Atjhidodi.+ Ngemva kwalokho, wakha amadorobho esifundeni se-Atjhidodi nahlangana namaFilista.
7 UZimu weqiniso waraga nokumsiza bona ahlule amaFilista, ama-Arabhu+ ebewahlala eGuru-Bhali namaMewunimu.
8 Ama-Amoni+ anikela u-Uziya umthelo begodu waduma bekwayokufika eGibhide ngombana bekanamandla ngendlela erarako.
9 Ngaphezu kwalokho, u-Uziya wakha imibhotjhongo+ eJerusalema eSangweni eliseKhoneni,+ eSangweni lomRhoba+ neSikeni eSekelako bewayiqinisa.
10 Ukungezelela kilokho, wakha imibhotjhongo+ emmangweni wemba nemithombo eminengi (ngombana bekanefuyo enengi); wenza okufanako eTjhefela nemmangweni othabaleleko. Bekanabalimi nabatlhogomeli bamadiribe eentabeni neKarameli ngombana bekathanda ukulima.
11 U-Uziya waba nebutho elihlomele ipi. Beliphuma liye epini lihlelwe ngokweengaba. Labalwa bese latloliswa+ nguJehiyeli unobhala+ noMaseya induna ngaphasi kokunqotjhiswa kwakaRhananiya ongomunye wamakhosana wekosi.
12 Inani leenhloko zeenkoro ebezingamele iingorhwezi belizii-2 600.
13 Amabutho wepi egade angaphasi kokunqotjhiswa kwazo bekumadoda azii-307 500 alungele ipi, bekulibutho elinamandla ebelizokusekela ikosi ngokujamelene nenaba layo.+
14 U-Uziya wahlomisa loke ibutho ngeenhlangu, ngemikhonto,+ ngeenkoporo, ngezambatho zepi,+ ngemisubela nangamatje wesarwayi.+
15 Ngaphezu kwalokho, wenza imitjhini eJerusalema etlanywe madoda anobukghoni; ayibeka emibhotjhongweni+ nemakhoneni wamaboda, beyikghona ukudumuza imicibitjholo namatje amakhulu. Waduma yoke indawo ngombana uZimu wamsiza begodu waba namandla.
16 Kodwana uthe nakaba namandla, wathoma ukuzikhukhumeza kwaba kukuwa kwakhe, akhenge athembeke kuJehova uZimakhe ngokungena ngethempelini lakaJehova bona atjhise ipepho e-aldareni lepepho.+
17 Khonokho u-Azariya umphristi nabanye abaphristi bakaJehova abanesibindi abama-80 bamlandela.
18 Bathi eKosini u-Uziya: “Uziya akukafuzi utjhisele uJehova ipepho!+ Baphristi kwaphela okufuze batjhise ipepho ngombana baziinzukulwana zaka-Aroni,+ bacwengisiwe. Phuma ngendaweni ecwengileko ngombana akhenge uthembeke begodu uJehova uZimu angeze akuhloniphe ngebanga lalokho okwenzileko.”
19 Kodwana u-Uziya njengombana bekaphethe isitja sokutjhisela ipepho wasilingeka khulu,+ kwathi asasilingeke ngebanga labaphristi njalo, wabetjhwa bulepheru+ epandla phambi kwabaphristi endlini kaJehova hlanu kwe-aldara lepepho.
20 U-Azariya umphristi omkhulu nabo boke abaphristi bajika bamqala, babona ukuthi ubetjhwe bulepheru epandla, yeke msinyana bamkhuphela ngaphandle bese wagijimela ngaphandle ngombana uJehova umbethe ngabo.
21 IKosi u-Uziya yahlala inobulepheru bekwaba lilanga eyahlongakala ngalo begodu beyihlala endlini engeqadi njengombana iphethwe bulepheru+ ngombana beyikhitjhiwe endlini kaJehova. Indodanayo uJothamu beyiphethe isigodlo, yahlulela nabantu benarha.+
22 Woke omunye umlando ka-Uziya kusukela ekuthomeni kufikela emaswapheleni watlolwa mphorofidi u-Isaya+ indodana ka-Amotsi.
23 Yeke u-Uziya wabulungwa nabokhokho bakhe kodwana wabulungelwa endaweni yokubulunga ebekungeyamakhosi ngombana bathi: “Unobulepheru.” Indodanakhe uJothamu+ yaba yikosi esikhundleni sakhe.
Imitlolo Ephasi
^ Kutjho uyise u-Amaziya.
