USamyela Wesibili 22:1-51
22 UDavida watjho amezwi wengoma le+ kuJehova ngelanga uJehova amsindisa ngalo esandleni sawo woke amanabakhe+ nesandleni sakaSawula.+
2 Wathi:
“UJehova ulidwala lami nendawami evikelekileko+ begodu nguye ongihlengako.+
3 UZimami ulidwala lami,+ engiphephela kilo,Usihlangu sami+ nephondo* lami lesindiso,* isiphephelo sami esivikelekileko*+Nendawami yokubalekela,+ umsindisami;+ wena ongisindisa enturhwini.
4 Ngibiza uJehova, ofanelwe kudunyiswa,Ngizokusindiswa emanabenami.
5 Amagagasi wokufa angibhoda mahlangothi woke;+Ngathuswa ziinkhukhula zabantu abangazisiko.+
6 Ngatantelwa+ ziintambo zeThuna;*Ngasahlelwa ziinthiyo zokufa.+
7 Ngabiza uJehova ngigandelelekile,+Ngasolo ngililela uZimami.
Wezwa ilizwi lami asethempelini lakhe,Nokulilela kwami isizo kwafika eendlebeni zakhe.+
8 Iphasi lathoma ukudengezela nokusikinyeka;+Iinsekelo zezulu zahlengezela+Begodu zadengezela ngombana bekasilingekile.+
9 Kwaphuma intuthu eempumulweni zakhe,Kwaphuma nomlilo otjhabalalisako ngemlonyenakhe;+Amalahle avuthako aphambi kwakhe.
10 Nakehlako wagoba izulu,+Ngaphasi kweenyawo zakhe bekunamafu anzima tshu!+
11 Weza aphapha akhwele ikherubhi.+
Bekabonakala emaphikweni wengilozi.*+
12 Wabeka ubumnyama bambhoda njengetende,+Emanzini amnyama nemafini wezulu anzima.
13 Ekukhanyeni okuphambi kwakhe bekubhebhedlha ilangabi lamalahle avuthako.
14 Ngemva kwalokho, uJehova wathoma ukuraramba asezulwini;+OPhezukoke wenza iphimbo lakhe lazwakala.+
15 Wadumuza imicibitjholwakhe,+ wabaphadlhalaja;Nombani, wawatjharaganisa.+
16 Ihlabathi engaphasi kwelwandle yabonakala;+Iinsekelo zenarha zavezwa ebaleni ngokukhalinywa nguJehova,Ngokuvuthela kommoya oseempumulweni zakhe.+
17 Walulela isandla sakhe phasi;Wangibamba wangikhupha emanzini atjhingako.+
18 Wangisindisa enabeni lami elinamandla,+Kilabo abangihloyako, ebebanamandla ukudlula mina.
19 Bangisahlela ngelanga ngivelelwe yihlekelele,+Kodwana uJehova wangisekela.
20 Wangikhuphela endaweni evikelekileko;+Wangisindisa ngombana bekangithanda.+
21 UJehova unginikela umvuzo ngokuya ngokulunga kwami;+Ungibusisa ngokuya ngobumsulwa bezandla zami.*+
22 Ngombana bengisolo ngikhamba eendleleni zakaJehova,Akhenge ngimlahle ngenze okukhohlakeleko.
23 Zoke izahlulelo+ zakhe ziphambi kwami;Angekhe ngiphambuke emiyalwenakhe.+
24 Ngizokuhlala ngingasoleki+ phambi kwakhe,Ngizozibamba bona ngingenzi umtjhapho.+
25 Kwanga uJehova angangibusisa ngokuya ngokulunga kwami,+Ngokuya ngobumsulwa bami phambi kwakhe.+
26 Kothembekileko wenza ngokuthembeka;+Emuntwini onamandla ongasolekiko, wenza ngokungasoleki;+
27 Kwabamsulwa uba umsulwa,+Kodwana kokhohlisako wena angeze wakhohliswa.+
28 Ngombana usindisa abathobekileko,+Kodwana amehlwakho alwa nabazikhakhazisako begodu uyabehlisa.+
29 Ngombana usibani sami Jehova;+NguJehova okhanyisa ubumnyama bami.+
30 Ngesizo lakho ngingagijimisa isiqhema sabadlelezeli;Ngamandla kaZimu ngingakhwela iboda.+
31 Indlela kaZimu weqiniso iphelele;+Amezwi kaJehova acwengile.+
Usiviko kibo boke abaphephela kuye.+
32 Ngombana ngubani onguZimu ngaphandle kwakaJehova?+
Ngubani olidwala ngaphandle kwakaZimethu?+
33 UZimu weqiniso usiphephelo sami esiqinileko,+Uzokwenza indlelami iphelele.+
34 Wenza iinyawo zami zibe njengezeqina;Ungijamisa eendaweni eziphakemeko.+
35 Izandla zami uzibandulela ipi;Imikhonwami ingagoba umsubela wekhopha.
36 Unginikela isihlangu sakho sesindiso,Ukuthobeka kwakho kungenza ngibe mkhulu.+
37 Wenza indlelami ibe banzi;Iinyawo zami angeze zitjhelele.+
38 Ngizokugijimisa amanabami bengiwatjhabalalise;Angeze ngibuye angakatjhatjalaliswa.
39 Ngizowatjhabalalisa, ngiwatshidlhe bona angasavuki;+Azokuwela ngaphasi kweenyawo zami.
40 Uzongipha amandla bona ngilungele ipi;+Uzokwenza amanabami awele ngaphasi kwami.+
41 Uzokwenza amanabami abuyele emva*+Ngizokuqeda* abangihloyako.+
42 Balilela isizo kodwana akekho ongabasindisa;Balilela ngitjho noJehova kodwana akabaphenduli.+
43 Ngizobatshidlha basileke njengethuli lehlabathi;Ngizobagaya bengibagadange njengedaka eendleleni.
44 Uzongihlenga ebantwini bekhethu abafuna umtjhapho.+
Uzongivikela bona ngibe yihloko yeentjhaba;+Isitjhaba engingasaziko sizongisebenzela.+
45 Abantu abavela kwezinye iinarha bazokuza baguqe phambi kwami+ bathukiwe;Abakuzwako ngami kuzobenza bangilalele.
46 Abantu abavela kwenye inarha bazokuphelelwa sibindi;*Bazokuza bahlengezela bavela eendaweni zabo ezivikelekileko.
47 UJehova uyaphila! Alidunyiswe iDwala lami!+
UZimu wedwala lesindiswami akaphakanyiswe.+
48 UZimu weqiniso uyangibuyiselela emanabenami;+Wenza iintjhaba zizithobe ngaphasi kwami;+
49 Uyangisindisa emanabenami.
Ungiphakamisa+ ngibe ngaphezu kwalabo abangisahlelako;Ungisindisa emuntwini wenturhu.+
50 Kungebangelo ngizokuthokoza hlangana neentjhaba+ Jehova,Ngizokubhinela igama lakho iindumiso:+
51 Wenzela ikosi ayibekileko izenzo ezikulu zesindiso;+Uthanda ozesiweko* wakhe,KuDavida nesizukulwaneni sakhe ngokungapheliko.”+
Imitlolo Ephasi
^ Qala Ihlathululo.
^ Namkha “nomsindisami onamandla.”
^ Namkha “indawami ephakemeko evikelekileko.”
^ Namkha “zeTjhiyoli.” Qala Ihlathululo.
^ Namkha “wommoya.”
^ NgesiHebheru, “ngokuhlanzeka kwezandla zami.”
^ Namkha “Uzonginikela imihlana yamanabami.”
^ NgesiHebheru, “ngizokuthulisa.”
^ Namkha “mamandla.”
^ Namkha “utjengisa ithando elithembekileko kozesiweko.”
