AmaRhubo 101:1-8

  • Umbusi owenza ngokuthembeka

    • ‘Angeze ngimkghodlhelelele ozikhakhazisako’ (5)

    • “Ngizokuqala labo abathembekileko” (6)

Irhubo lakaDavida. Ingoma. 101  Ngizokubhina ngethando lakho* nobulungiswa. Maye! Jehova, ngizokubhinela iindumiso.  2  Ngizokwenza ngokuhlakanipha nokuthembeka. Uzongisiza nini? Ngizokukhamba ngehliziyo ethembekileko+ ngendlinami.  3  Angekhe ngibeke izinto ezingasizi ngalitho phambi kwamehlwami. Ngiyabahloya abafulathela indlela elungileko;+Angifuni litho elingihlanganisa nabo.  4  Nanyana ngubani onehliziyo engakathembeki ukude nami;Angeze ngamukela okumbi.  5  Nanyana ngubani ohleba umakhelwanakhe emsitheleni,+Ngizomthulisa. Nanyana ngubani ozikhakhazisako nonekani,Angeze ngimkghodlhelelele.  6  Ngizokuqala labo abathembekileko ephasini,Ukwenzela bona bahlale nami. Labo abakhamba ngokuthembeka bazongisebenzela.  7  Umuntu okhohlisako angekhe ahlale endlinami,Nonamala angekhe ajame phambi kwami.*  8  Qobe ekuseni ngizokuthulisa abakhohlakeleko ephasini,Bona ngiqede boke abambi edorobheni lakaJehova.+

Imitlolo Ephasi

^ Namkha “ngethando lakho elithembekileko.”
^ NgesiHebheru, “phambi kwamehlwami.”
NEW WORLD TRANSLATION OF THE HOLY SCRIPTURES (2013 REVISION)
AmaRhubo 101
IsiNdebele
Funda IBhayibheli Ku-Inthanethi
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt k. 40