AmaRhubo 105:1-45
-
Izenzo zakaJehova zokuthembeka ebantwini bakhe
105 Thokozani uJehova,+ bizani igama lakhe,Yenzani izenzo zakhe zaziwe hlangana neentjhaba!+
2 Mbhineleni, mbhineleni iingoma zokudumisa,Zindlani* ngayo yoke imisebenzakhe ekarisako.+
3 Zikhakhaziseni ngegama lakhe elicwengileko.+
Iinhliziyo zalabo abafuna uJehova azithabe.+
4 Funani uJehova+ namandlakhe.
Funani isizo lakhe qobe.
5 Khumbulani imisebenzi ekarisako ayenzileko,Iimangaliso zakhe nezahlulelo azimemezeleko,+
6 Nina nzukulwana zaka-Abrahama incekwakhe,+Nina madodana kaJakopo, abakhethiweko bakhe.+
7 UnguJehova uZimethu.+
Izahlulelo zakhe zisephasini loke.+
8 Ukhumbula isivumelwano sakhe ngokungapheliko,+Isithembiso asenzileko,* eenkulungwaneni zeenzukulwana,+
9 Isivumelwano asenza no-Abrahama,+Nesifungo asifunga ku-Isaka,+
10 Asiqinisekisa njengomthetho kuJakopoNanjengesivumelwano esihlala ngokungapheliko ku-Israyeli,
11 Wathi, “Ngizoninikela inarha yeKanana+Bona ibe lilifa enabelwe lona.”+
12 Lokhu wakutjho lokha basesembalwa,+Iye, basesembalwa khulu begodu bababantu abavela kwenye inarha.+
13 Bebasolo bakhamba basuka kwesinye isitjhaba baya kwesinye,Begodu basuka komunye umbuso baya komunye.+
14 Akhenge avumele nanyana ngubani bona abagandelele,+Kodwana wajezisa amakhosi ngebanga labo,+
15 Wathi, “Ningathinti abazesiweko bami,Begodu ningenzi litho elimbi ebaphorofidini bami.”+
16 Wehlisela indlala enarheni;+Wabadima uburotho.*
17 Wathumela umuntu ngaphambi kwaboOwathengiswa bona abe sigqila, uJosefa.+
18 Iinyawo zakhe bazibopha ngamakhamandela,+Intamakhe bayifaka eensimbini;
19 Bekube sikhathi lapho ilizwi lakhe lazaliseka khona,+Ilizwi lakaJehova lamhlwengisa.*
20 Ikosi yathumela bona atjhatjhululwe,+Umbusi weentjhaba wamtjhaphulula.
21 Yamenza ikosi esigodlweni sayo,Umbusi phezu kwayo yoke ipahlayo,+
22 Bona alawule amakhosanayo ngendlela afuna ngayoAfundise nabadala bayo ukuhlakanipha.+
23 Ngalokho u-Israyeli weza eGibhide,+UJakopo waba mumuntu ovela kwenye inarha, enarheni yeRhamu.
24 UZimu wenza abantu bakhe bona bande;+Wabenza babanamandla ukudlula amanababo,+
25 Wawenza ahloya abantu bakhe,Bona aluke amano malungana neenceku zakhe.+
26 Wathumela incekwakhe uMosi,+No-Aroni+ amkhethileko.
27 Benza iimbonakaliso zakhe hlangana nabo,Iimangaliso zakhe enarheni yeRhamu.+
28 UZimu wenza kwabamnyama enarheni yeGibhide;+Akhenge bahlubuke* emezwinakhe.
29 Watjhugulula amanzi aba ziingaziWabulala neemfesi.+
30 Inarhawo yazala iinrhwarhwa,+Ngitjho nemalawini wamakhosi.
31 Walayela iimbawu bona zisahleleNabonompopoloza* kiso soke isifunda sawo.+
32 Watjhugulula izulu laba sinanjaWathumela umbani enarheni.+
33 Waphohloza iindiribe zabo nemithabo yamafeyiBewaphula nemithi yesifunda sabo.
34 Wathi iintethe kufuze zisahlele,Iintethe ezincani ezinengi kangangokuthi awukghoni ukuzibala.+
35 Zarhiribidela zoke iintjalo zenarha,Zarhiribidela neentjalo zamasimu.
36 Ngemva kwalokho warhayila woke amazibulo wenarha,+Ukuthoma kwamandlawo wokubeletha.
37 Wakhupha abantu bakhe baphethe isiliva negolide;+Akukho namunye eenkorweni zakhe owaphelelwa mamandla.
38 IGibhide yathaba lokha ama-Israyeli nawakhambako,Ngombana ukusaba ama-Israyeli besele kwehlele kibo.+
39 Wathumela ilifu bona liwavikele+Nomlilo bona uwakhanyisele ebusuku.+
40 Abawa, wawathumela iinkwali;+Bekasolo awanelisa ngoburotho obuvela ezulwini.+
41 Wavula idwala begodu amanzi ageleza;+Ageleza erhalawumbeni njengomlambo.+
42 Ngombana wakhumbula isithembiso esicwengileko asenza ku-Abrahama incekwakhe.+
43 Yeke wakhupha abantu bakhe,+Abantu bathaba, abakhethiweko bakhe barhuwelela ngethabo.
44 Wabanikela iinarha zeentjhaba;+Bafumana njengelifa lokho iintjhaba ezikusebenzele budisi,+
45 Bona baphethe iinqophiso zakhe+Balalele nemithethwakhe.
Dumisani uJah!*
Imitlolo Ephasi
^ Namkha kungenzeka “Khulumani.”
^ NgesiHebheru, “Ilizwi ayala ngalo.”
^ Kungenzeka kuqaliselwe eengodweni ebezisetjenziselwa ukubeka uburotho.
^ Ibizo lesiHebheru elisetjenziswe lapha liqalisele ekutsengeni isimbi ngokuyincibilikisa.
^ Kungenzeka nguMosi no-Aroni.
^ Namkha “Nemiyani.”
^ Namkha “Haleluya!” Elithi “Jah” sirhunyezo segama elithi Jehova.
