AmaRhubo 107:1-43
107 Thokozani uJehova ngombana muhle;+Ithando lakhe* lihlala ngokungapheliko.+
2 Labo abathengwe* nguJehova abatjho lokhu,Labo abahlenge esandleni senaba,+
3 Labo ababuthelela ndawonye eenarheni,+Kusukela epumalanga netjingalanga,Kusukela etlhagwini nesewula.+
4 Bakhambakhamba hlangana nommango, erhalawumbeni;Akhenge bafumane indlela etjhinga edorobheni abangahlala kilo.
5 Bebalambile begodu bomile;Baphelelwa mamandla ngebanga lokudinwa.
6 Bebasolo balilela uJehova ngebanga lokugandeleleka kwabo;+Wabahlenga ebudisini babo.+
7 Wabenza bakhamba endleleni efaneleko+Bona baye edorobheni abangahlala kilo.+
8 Abantu abathokoze uJehova+ ngebanga lethando lakhe elithembekilekoNangebanga lemisebenzakhe emangalisako ayenzela amadodana wabantu.+
9 Ngombana wanelise abomilekoWanikela nabalambileko ukudla okumnandi.+
10 Abanye bebahlala ebumnyameni, ethunzini elisabekako,Baziimbotjhwa bahlunguphazeka, babotjhwe nangamakhamandela.
11 Ngombana bahlubuka elizwini lakaZimu;Akhenge bahloniphe iseluleko soPhezukoke.+
12 Wabehlisa ngokubavumela bona baqalane nobudisi;+Bawa begodu bekunganamuntu ongabasiza.
13 Balilela isizo kuJehova ngebanga lokugandeleleka kwabo;Wabasindisa ebudisini babo.
14 Wabakhupha ebumnyameni obukhulu,Bewarathula amakhamandelabo.+
15 Abantu abathokoze uJehova ngebanga lethando lakhe elithembekileko+Nangebanga lemisebenzakhe emangalisako ayenzela amadodana wabantu.
16 Ngombana waphula iminyango yekhophaWasika neenqabo zayo zesimbi.+
17 Bebaziindlhadlha begodu bahlunguphazeka+Ngebanga lokweqa kwabo umthetho nangomtjhaphwabo.+
18 Akhenge basakhanukela* litho elidliwako;Bapheze bafa.*
19 Bebalilela isizo kuJehova ngebanga lokugandeleleka kwabo;Bekabasindisa ebudisini babo.
20 Bekathumela ilizwi lakhe libaduduze+Begodu abahlenge emgodini abavaleleke kiwo.
21 Abantu abathokoze uJehova ngebanga lethando lakhe elithembekilekoNangebanga lemisebenzakhe emangalisako ayenzela amadodana wabantu.
22 Abenze imihlatjelo yokuthokoza+Babikezele nemisebenzakhe, barhuwelele ngethabo.
23 Labo abakhamba ngemikhumbi elwandle,Kobana benze umsebenzabo emanzini amanengi,+
24 Babone imisebenzi kaJehovaNemisebenzakhe emangalisako ekuzikeni kwelwandle;+
25 Bona isiwuruwuru sivuka njani ngelizwi lakhe,+Siphakamise amagagasi welwandle.
26 Amagagasi abakhuphulela phezulu;Begodu abehlisele phasi phakathi elwandle.
Babetjhwa livalo ngebanga lehlekelele ezako.
27 Bayatherezela, bawe njengomuntu odakiweko,Begodu woke amakghonwabo awasizi ngalitho.+
28 Balilela isizo lakaJehova ngebanga lokugandeleleka kwabo,+Uyabahlenga nebudisini babo.
29 Uthulisa isiwuruwuru;Namagagasi welwandle ayathula.+
30 Bayathaba nababona koke lokhu kuthula,Begodu ubanqophisela endaweni ephephileko abayifisako.
31 Abantu abathokoze uJehova ngebanga lethando lakhe elithembekilekoNangebanga lemisebenzakhe emangalisako ayenzela amadodana wabantu.+
32 Abamphakamise hlangana nebandla,+Abamdumise hlangana nomkhandlu wabadala.
33 Wenza imilambo ibe yirhalawumbaNemithombo yamanzi ibe yihlabathi eyomileko,+
34 Inarha ethelako ibe yinarha engatheli,+Ngebanga labakhohlakeleko abahlala kiyo.
35 Wenza irhalawumba libe mlambo onemihlanga,Nenarha eyomileko ibe mithombo yamanzi.+
36 Wenza abalambileko bahlale lapho,+Ukwenzela bona bazakhele idorobho abangahlala kilo.+
37 Benza amasimu, batjala namasimu wamadiribe+Bafumana isivuno esihle.+
38 Uyababusisa begodu banda khulu;Akavumeli ifuywabo itjhabalale.+
39 Nanyana kunjalo babe mbalwa begodu bahlaziseka godu
Ngebanga lokugandeleleka, lehlekelele nesizi.
40 Uhlazisa ababusiAbenze bazulazule emmangweni onganandlela.+
41 Kodwana uvikela abatlhagako ekugandelelekeni+Enze imindenabo ibe mnengi njengomhlambi.
42 Abalungileko bayakubona lokhu begodu bayathaba;+Kodwana boke abangakalungi bavala imilomabo.+
43 Nanyana ngubani ohlakaniphileko uzozibona izintwezi+Uzokutjhejisisa nezenzo zakaJehova zethando elithembekileko.+
Imitlolo Ephasi
^ Namkha “Ithando lakhe elithembekileko.”
^ Namkha “abahlengwe.”
^ Namkha “Umphefumulwabo wanyenya.”
^ NgesiHebheru, “Batjhidela emasangweni wokufa.”
