AmaRhubo 116:1-19
116 Ngiyamthanda uJehovaNgombana uyalizwa ilizwi lami* nangibawa isizo.+
2 Ngombana uyangilalelisisa,*+
Ngizombiza nangisaphilako.*
3 Ngezwa ngasuthi ngitantelwe ziintambo zokufa;Ngezwa ngasuthi sengizokwehlela eThuneni.*+
Ngehlelwa kugandeleleka nesizi.+
4 Kodwana ngabiza igama lakaJehova:+
“Maye! Jehova, ngihlenga!”
5 UJehova unesirhawu, ulungile;+UZimethu unomusa.+
6 UJehova uvikela abanganalemuko.+
Ngaphelelwa mamandla, wangisindisa.
7 Umphefumulwami* awuphumule godu,Ngombana uJehova ube nomusa kimi.
8 Ungihlenge ekufeni,Wangenza ngalisa ukulila, wavikela inyawo lami bona lingatjheleli.+
9 Ngizokukhamba phambi kwakaJehova ephasini.
10 Ngombana bengikholelwa kuZimu, ngakhuluma;+Bengihlunguphazeke khulu.
11 Ngarhidlwa livalo, ngathi:
“Woke umuntu unamala.”+
12 Ngizombuyisela ngani uJehovaNgebanga lakho koke okuhle angenzele khona?
13 Ngizokuthatha ikapho yesindiso,Ngizokubiza negama lakaJehova.
14 Ngizokuphetha iimfungo engizenze kuJehovaPhambi kwabo boke abantu bakhe.+
15 Kuyabiza* emehlweni kaJehovaUkuhlongakala kwabathembekileko bakhe.+
16 Maye! Jehova, ngiyakuncenga,Ngombana ngiyincekwakho.
Ngiyincekwakho, indodana yencekukazakho.
Ungitjhaphulule ekubotjhweni.+
17 Ngizokwenzela umhlatjelo wokuthokoza;+Ngizokubiza igama lakaJehova.
18 Ngizokuphetha iimfungo engizenze kuJehova+Phambi kwabo boke abantu bakhe,+
19 Eenrhodlweni zendlu kaJehova,+Hlangana nawe Jerusalema.
Dumisani uJah!*+
Imitlolo Ephasi
^ Namkha kungenzeka “Ngiyamthanda uJehova ngombana uyangizwa.”
^ Namkha “uyakhothama angilalele.”
^ NgesiHebheru, “emihlenami.”
^ NgesiHebheru, “Ngafunyanwa kugandeleleka kweTjhiyoli.”
^ Qala Ihlathululo.
^ NgesiHebheru, “Kuligugu.”
^ Namkha “Haleluya!” Elithi “Jah” sirhunyezo segama elithi Jehova.
