AmaRhubo 119:1-176
-
Ukuthokoza ilizwi lakaZimu eliligugu
-
‘Abantu abatjha bangaphila njani ngendlela ehlwengileko?’ (9)
-
“Ngiyazithanda iinkhumbuzo zakho” (24)
-
“Qala bona ngiwuthanda kangangani umthethwakho!” (97)
-
‘Ukuba nelemuko ukudlula boke abafundisi bami’ (99)
-
“Ilizwi lakho linjengesibani enyaweni lami” (105)
-
“Ummongo welizwi lakho uliqiniso” (160)
-
Ukuthula ngekwalabo abathanda umthetho kaZimu (165)
-
א [Aleph]
119 Bayathaba abantu abangasolekiko* ekuphileni kwabo,Abakhamba emthethweni kaJehova.+
2 Bayathaba abaphetha iinkhumbuzo zakhe,+Abamfuna ngehliziywabo yoke.+
3 Abenzi litho elingakalungi;Bakhamba eendleleni zakhe.+
4 Ukhuphe umyaloWokobana iinqophiso zakho ziphethwe ngokupheleleko.+
5 Ngifisa ngathana ngingahlala ngidzimelele*+Bona ngilandele iinqophiso zakho!
6 Ngalokho angekhe ngaphathiswa iinhloni+Nangilalelisisa yoke imiyalwakho.
7 Ngizokudumisa ngehliziyo elungilekoNangifunda ngezahlulelo zakho ezilungileko.
8 Ngizokuphetha iinqophiso zakho.
Ungangilahli ngokupheleleko.
ב [Beth]
9 Isokana lingaphila njani ngendlela ehlwengileko?
Ngokuragela phambili lizihlolisisa ngelizwi lakho.+
10 Ngikufuna ngehliziywami yoke.
Ungangivumeli ngiphambuke emiyalwenakho.+
11 Ngibulunga amezwakho ehliziywenami+Bona ngingoni kuwe.+
12 Maye! Jehova, kwanga ungadunyiswa;Ngifundisa iinqophiso zakho.
13 NgimemezelaZoke izahlulelo ozikhulumileko.
14 Ngiyathaba ngeenkhumbuzo zakho+Ukudlula zoke ezinye izinto eziligugu.+
15 Ngizokuzindla* ngeenqophiso zakho+Begodu ngizokuyelela iindlela zakho.+
16 Ngiyayithanda imithethwakho.
Angeze ngilibale ilizwi lakho.+
ג [Gimel]
17 Iphathe ngomusa incekwakho,Bona ngiphile bese ngiphethe nelizwi lakho.+
18 Vula amehlwami bona ngizibone kuhleIzinto ezimangalisako ezivela emthethwenakho.
19 Ngimumuntu ovela kwenye inarha.+
Ungangifihleli imiyalwakho.
20 Ngiphelelwa mamandlaNgilulukela izahlulelo zakho ngaso soke isikhathi.
21 Ukhalima abagagamelako,Abaqalekisiweko abaphambuka emiyalwenakho.+
22 Benze balise ukungidelela nokunginyaza,Ngombana ngiphethe iinkhumbuzo zakho.
23 Ngitjho nanyana amakhosana ahlangene ndawonye angikhuluma kumbi,Incekwakho izindla* ngeenqophiso zakho.
24 Ngiyazithanda iinkhumbuzo zakho;+Ziyangiluleka.+
ד [Daleth]
25 Ngikhothama ethulini.+
Ngiphilisa ngokwelizwi lakho.+
26 Ngikutjelile ngeendlela zami, wangiphendula;Ngifundisa iinqophiso zakho.+
27 Ngenze ngizwisise lokho okutjhiwo ziinqophiso zakho,Bona ngizindle* ngemisebenzakho emangalisako.+
28 Bengisolo ngingakghoni ukulala ngebanga lesizi.
Ngiqinisa ngokwelizwi lakho.
29 Ngibawa ungisize ngingabi mumuntu okhohlisako,+Yiba nomusa kimi ungifundise nomthethwakho.
30 Ngikhethe indlela yokuthembeka+Ngiyalemuka bona izahlulelo zakho zilungile.
31 Nginamathela eenkhumbuzweni zakho.+
Maye! Jehova ungangivumeli ngidane.+
32 Ngizokuphetha imiyalwakho ngehliziywami yokeNgombana uyenzele indawo ehliziywenami.
ה [He]
33 Maye! Jehova ngifundisa+ ukulandela iinqophiso zakho,Ngizozilandela bekube sekupheleni.+
34 Ngenze ngizwisise,Bona ngilalele umthethwakhoNgiwuphethe ngehliziywami yoke.
35 Nginqophisa endleleni yemiyalwakho,+Ngombana iyangithabisa.
36 Yenza ihliziywami inamathele eenkhumbuzweni zakho,Kungabi sekufuneni inzuzo.*+
37 Yenza amehlwami angaqali okungasizi ngalitho;+Ngenze ngikhambe endlelenakho bona ngiphile.
38 Zalisa isithembiso sakho encekwinakho,Bona usatjwe.*
39 Susa ihlazo engilisabako,Ngombana izahlulelo zakho zilungile.+
40 Qala bona ngizilulukela kangangani iinqophiso zakho.
Ngiphilisa ngokulunga kwakho.
ו [Waw]
41 Kwanga ngingabona ithando lakho elithembekileko Jehova,+Nesindiswakho ngokwesithembiso sakho;+
42 Ngalokho ngizokuphendula onginyefulako,Ngombana ngithembela elizwini lakho.
43 Ungasusi ngokupheleleko ilizwi eliliqiniso emlonyenami,Ngombana ngithembele esahlulelweni sakho.
44 Ngizokuphetha umthethwakho qobe,Ngokungapheliko.+
45 Ngizokukhamba endaweni ephephileko,+Ngombana ngifuna iinqophiso zakho.
46 Ngizokukhuluma ngeenkhumbuzo zakho phambi kwamakhosi,Begodu angeze ngibe neenhloni.+
47 Ngiyayithanda imiyalwakho,Iye, ngiyayithanda.+
48 Ngizokuphakamisela izandla zami emiyalwenakho engiyithandako,+Begodu ngizokuzindla* ngeenqophiso zakho.+
ז [Zayin]
49 Khumbula isithembiso* owasenza encekwinakho,Onginikela ngaso ithemba.
50 Le, yinduduzwami ebuhlungwini bami,+Ngombana ilizwi lakho lingenze ngaphila.
51 Abagagamelako bangidelela khulu,Kodwana angisuki emthethwenakho.+
52 Ngikhumbula izahlulelo zakho zekadeni+ Jehova,Ziyangiduduza.+
53 Ngisilingekile ngebanga labakhohlakeleko,Abatjhiya umthethwakho.+
54 Iinqophiso zakho ziimbhino kimiNanyana kukuphi lapha ngihlala khona.
55 Maye! Jehova ngikhumbula igama lakho ebusuku,+Bona ngiphethe umthethwakho.
56 Lokhu kube mumukghwamiNgombana ngilalela imiyalwakho.
ח [Heth]
57 UJehova sisabelo sami;+Ngithembise ukuphetha amezwakho.+
58 Ngiyakuncenga ngehliziywami yoke;+Yiba nomusa kimi+ ngokwesithembiso sakho.
59 Mina ngihlolisise iindlela zami,Bona ngilandele iinkhumbuzo zakho godu.+
60 Ngiyarhaba begodu angiriyadiUkuphetha imiyalwakho.+
61 Iintambo zabakhohlakeleko ziyangitantela,Kodwana angiwulibali umthethwakho.+
62 Phakathi kobusuku ngiyavuka bona ngikuthokoze+Ngebanga lezahlulelo zakho ezilungileko.
63 Ngimngani wabo boke abakusabakoNalabo abaphetha iinqophiso zakho.+
64 Maye! Jehova ithando lakho lizele iphasi;+Ngifundisa iinqophiso zakho.
ט [Teth]
65 Maye! Jehova uyiphethe kuhle incekwakho,Ngokwelizwi lakho.
66 Ngifundisa ukuba nelemuko nelwazi,+Ngombana ngithembele emiyalwenakho.
67 Ngaphambi kobana ngizwe ubuhlungu, bengiphambuka,*Kodwana nje ngiphetha ilizwi lakho.+
68 Umuhle+ nemisebenzakho mihle.
Ngifundisa iinqophiso zakho.+
69 Abagagamelako bangininda ngamala,Kodwana ngilalela iinqophiso ngehliziywami yoke.
70 Iinhliziyo zabo azinazwelo,*+
Kodwana mina ngithanda umthethwakho.+
71 Kuhle bona ngezwa ubuhlungu,+Bona ngifunde ngeenqophiso zakho.
72 Umthetho owumemezeleko ulungile kimi,+Ukudlula iinkulungwana zeempaparwana zegolide nesiliva.+
י [Yod]
73 Izandla zakho zingenzile, zangibumba.
Ngenza ngizwisise,Bona ngifunde imiyalwakho.+
74 Labo abakusabako bayangibona, bathabe,Ngombana ilizwi lakho lilithemba lami.+
75 Maye! Jehova ngiyazi ukuthi izahlulelo zakho zilungile+Nokuthi ungizwise ubuhlungu ngokuthembeka kwakho.+
76 Ngibawa ungiduduze ngethando lakho elithembekileko,+Ngokwesithembiso osenze encekwinakho.
77 Yiba nomusa kimi bona ngiragele phambili ngiphila,+Ngombana ngiyawuthanda umthethwakho.+
78 Kwanga abagagamelako bangahlaziswa,Ngombana bangone ngaphandle kwesizathu.*
Kodwana ngizokuzindla* ngeenqophiso zakho.+
79 Abakusabako ababuyele kimi,Labo abazi iinkhumbuzo zakho.
80 Kwanga ngingalalela iinqophiso zakho ngehliziywami yoke,+Bona ngingahlaziswa.+
כ [Kaph]
81 Ngilulukela isindiswakho,+Ngombana ilizwi lakho lilithemba lami.
82 Amehlwami alulukela ilizwi lakho+Kukulapho ngithi: “Uzongiduduza nini?”+
83 Ngombana ngifana nebhodlelo lesikhumba elonyiswe entuthwini,Kodwana iinqophiso zakho angeze ngazilibala.+
84 Incekwakho kufuze ilinde bekube nini?
Uzosiletha nini isahlulelo kilabo abangihlunguphazako?+
85 Abagagamelako bangembela imigodi,Labo abanyaza umthethwakho.
86 Yoke imiyalwakho ithembekile.
Abantu bangihlunguphaza ngaphandle kwesizathu; ngisiza!+
87 Bapheze bangiqeda ephasini,Kodwana akhenge ngilahle iinqophiso zakho.
88 Ngiphilisa ngebanga lethando lakho elithembekileko,Bona ngiphethe iinkhumbuzo ozikhulumileko.
ל [Lamed]
89 Ilizwi lakho lizokuhlala ezulwiniNgokungapheliko Jehova.+
90 Ukuthembeka kwakho kuseenzukulwaneni zoke.+
Udzimelelise iphasi bona lihlale lijamile.+
91 Ngezahlulelo zakho kusesekhona* nanamhlanjesi,Ngombana koke kubunjwe nguwe.
92 Ngathana bengingawuthandi umthethwakho,Bengizokutjhabalala ebuhlungwini bami.+
93 Angeze ngazilibala iinqophiso zakho,Ngombana ungenze ngaphila ngazo.+
94 Ngingewakho; ngisindisa,+Ngombana ngizifunile iinqophiso zakho.+
95 Abakhohlakeleko balinde ukungitjhabalalisa,Kodwana ngilalelisisa iinkhumbuzo zakho.
96 Ngibone umkhawulo kikho koke okupheleleko,Kodwana umyalwakho awunamkhawulo.*
מ [Mem]
97 Qala bona ngiwuthanda kangangani umthethwakho!+
Ngizindla* ngawo ilanga loke.+
98 Umyalwakho ungenza ngihlakaniphe kunamanabami,+Ngombana wona unami ngokungapheliko.
99 Nginelemuko ukudlula boke abafundisi bami,+Ngombana ngizindla* ngeenkhumbuzo zakho.
100 Ngizwisisa ukudlula abantu abadala,Ngombana ngilalela iinqophiso zakho.
101 Angenzi litho elimbi,+Bona ngiphethe ilizwi lakho.
102 Angiphambuki ezahlulelweni zakho,Ngombana ungifundisile.
103 Qala bona amezwakho amnandi kangangani elimini lami,Amnandi ukudlula iliju!+
104 Ngiyazwisisa ngebanga lemiyalwakho.+
Kungebangelo ngihloya zoke iindlela zamala.+
נ [Nun]
105 Ilizwi lakho lisibani enyaweni lami,Nokukhanya endlelenami.+
106 Ngenze isifungo, ngizosiphetha,Bona ngilalele izahlulelo zakho ezilungileko.
107 Bengizwa ubuhlungu khulu.+
Maye! Jehova ngiphilisa ngokwelizwi lakho.+
108 Ngibawa uthabele iminikelwami yokukudumisa esuka ehliziyweni+ Jehova,Ungifundise nezahlulelo zakho.+
109 Ukuphila kwami kuhlala kusengozini,Kodwana angikawulibali umthethwakho.+
110 Abakhohlakeleko bangibekele isithiyo,Kodwana angikaphambuki emiyalwenakho.+
111 Iinkhumbuzo zakho zizokuhlala ziligugu kimi,Ngombana zithabisa ihliziywami.+
112 Ngizimisele ukulalela iinqophiso zakhoNgaso soke isikhathi, bekube sekupheleni.
ס [Samekh]
113 Ngiyabahloya abangakathembeki ngokupheleleko kuwe,*+
Kodwana ngiyawuthanda umthethwakho.+
114 Usiphephelo sami nesiviko sami,+Ngombana ilizwi lakho lilithemba lami.+
115 Sukani kimi nina bantu abambi,+Bona ngilalele imiyalo kaZimami.
116 Ngisekela njengombana uthembisile,+Bona ngiragele phambili ngiphila;Ungenzi ithemba lami lihlaziseke.+
117 Ngisekela bona ngisindiswe;+Ngizokuhlala ngizindla ngeenqophiso zakho.+
118 Uyabalahla boke abaphambuka eenqophisweni zakho,+Ngombana banamala begodu bayakhohlisa.
119 Uyabalahla boke abakhohlakeleko ephasini njengokungathi bazizinto ezinganamsebenzi.+
Kungebangelo ngithanda iinkhumbuzo zakho.
120 Ukukusaba kwenza umzimbami uhlengezele;Ngisaba izahlulelo zakho.
ע [Ayin]
121 Ngenze okufaneleko nokulungileko.
Ungangilahleli kwabangigandelelako!
122 Thembisa ukuthi uzokusiza incekwakho;Ngibawa abagagamelako bangangigandeleli.
123 Amehlwami adiniwe solo alindele isindiswakho+Nesithembiso sakho esilungileko.+
124 Yiba nethando elithembekileko encekwinakho,+Ungifundise neenqophiso zakho.+
125 Ngiyincekwakho, ngenze ngizwisise,+Bona ngazi iinkhumbuzo zakho.
126 Isikhathi sokobana uJehova athathe igadango sifikile,+Ngombana baphule umthethwakho.
127 Kungebangelo ngithanda imiyalwakhoUkudlula igolide, ngitjho negolide lezinga eliphezulu.+
128 Nje-ke ngiqala yoke imiyalwakho njengelungileko;+Ngihloya zoke iindlela ezimamala.+
פ [Pe]
129 Iinkhumbuzo zakho ziyamangalisa.
Kungebangelo ngizilalela.
130 Ihlathululo yamezwakho iletha umkhanyo,+Yenza onganalemuko azwisise.+
131 Ngivula umlomami ngidose umoya,Ngombana ngilulukela imiyalwakho.+
132 Ngitjheja, ube nomusa kimi,+Njengombana uhlala wenza kilabo abathanda igama lakho.+
133 Nginqophisa ngelizwi lakho, bona ngikhambe endleleni ephephileko;Akungabi nento ekhohlakeleko engibusako.+
134 Ngihlenga ebantwini abagandelelako,Begodu ngizokuphetha iinqophiso zakho.
135 Yenza ubuso bakho buphazime phezu kwencekwakho,+Ungifundise neenqophiso zakho.
136 Iinyembezi zehla emehlwenami njengemilambo yamanziNgombana abantu abafuni ukulalela umthethwakho.+
צ [Tsade]
137 Maye! Jehova ulungile,+Nezahlulelo zakho zilungile.+
138 Iinkhumbuzo ozinikelako zilungile,Zithembeke ngokupheleleko.
139 Ukuzinikela kwami kuwe kunjengomlilo ovutha phakathi kwami,+Ngombana amanabami akhohlwe amezwakho.
140 Ilizwi lakho litsengisisiwe,+Begodu incekwakho iyalithanda.+
141 Angikaqakatheki, ngiqalelwa naphasi;+Nanyana kunjalo, angikalibali iinqophiso zakho.
142 Ukulunga kwakho kulunga okuhlala ngokungapheliko,+Nomthethwakho uliqiniso.+
143 Nanyana ngehlelwa kugandeleleka nobudisi,Ngihlala ngiyithanda imiyalwakho.
144 Ukulunga kweenkhumbuzo zakho kuhlala ngokungapheliko.
Ngenza ngizwisise+ bona ngiragele phambili ngiphila.
ק [Qoph]
145 Ngikubiza ngehliziywami yoke, ngiphendula Jehova.
Iinqophiso zakho ngizozilalela.
146 Ngiyakubiza, ngisindisa!
Ngizokuphetha iinkhumbuzo zakho.
147 Ngivuke ngaphambi kobana kuse bona ngililele isizo,+Ngombana amezwakho alithemba lami.
148 Ngivule amehlwami ngaphambi komlindo webusuku,Bona ngizindle ngelizwi* lakho.+
149 Ngilalela ngebanga lethando lakho elithembekileko.+
Maye! Jehova, ngiphilisa ngombana wahlulela ngokulunga.
150 Labo abaziphatha ngendlela ehlazisako bayangitjhidela;Bakude khulu nomthethwakho.
151 Useduze wena Jehova,+Begodu yoke imiyalwakho iliqiniso.+
152 Ngafunda ngeenkhumbuzo zakho kusukela kade,Uzenze nokuthi zihlale ngokungapheliko.+
ר [Resh]
153 Qala ubuhlungu bami begodu ungihlenge,+Ngombana angikawulibali umthethwakho.
154 Ngijamela begodu ungihlenge;+Ngiphilisa ngokuvumelana nesithembiso sakho.
155 Isindiso ikude nabakhohlakeleko,Ngombana abakazifuni iinqophiso zakho.+
156 Maye! Jehova, isirhawu sakho sikhulu.+
Ngiphilisa ngokuvumelana nobulungiswa bakho.
157 Banengi abangihlunguphazako namanabami;+Kodwana akhenge ngiphambuke eenkhumbuzweni zakho.
158 Nangiqala abakhohlisako ngiyanyenya,Ngombana abaliphethi ilizwi lakho.+
159 Qala bona ngiyithanda kangangani imiyalwakho!
Maye! Jehova, ngiphilisa ngebanga lethando lakho elithembekileko.+
160 Ummongo welizwi lakho uliqiniso,+Begodu zoke izahlulelo zakho ezithembekileko zihlala ngokungapheliko.
ש [Sin] namkha [Shin]
161 Amakhosana angihlunguphaza+ ngaphandle kwesizathu,Kodwana ngizihlonipha khulu izinto ozikhulumileko.+
162 Ngiyathaba ngelizwi lakho+Njengomuntu ofumene ipahla enengi epini.
163 Ngiyawahloya amala, ngiyawanyenya,+Ngithanda umthethwakho.+
164 Ngikudumisa kalikhomba ngelangaNgebanga lezahlulelo zakho ezilungileko.
165 Ukuthula okukhulu ngekwalabo abathanda umthethwakho;+Akunanto engabawisa.
166 Maye! Jehova, ngilulukela izenzo zakho zesindiso,Ngilalela nemiyalwakho.
167 Ngiphetha iinkhumbuzo zakho,Ngizithanda khulu.+
168 Ngilalela iinqophiso zakho neenkhumbuzo zakho,Ngombana ukubona koke engikwenzako.+
ת [Taw]
169 Maye! Jehova, kwanga ukulilela kwami isizo kungafika kuwe.+
Ngenze ngizwisise, ngokwelizwi lakho.+
170 Kwanga isibawo sami somusa singafika kuwe.
Ngisindisa njengombana uthembisile.
171 Ngizokudumisa qobe,+Ngombana ungifundisa iinqophiso zakho.
172 Kwanga ilimu lami lingabhina ngelizwi lakho,+Ngombana yoke imiyalwakho ilungile.
173 Kwanga isandla sakho singahlala silindele ukungisiza,+Ngombana ngikhetha ukulalela iinqophiso zakho.+
174 Ngilulukela isindiswakho Jehova,Ngithanda nomthethwakho.+
175 Ngivumela ngiphile bona ngikudumise;+Kwanga izahlulelo zakho zingaba lisizo lami.
176 Ngiphambuke njengemvu elahlekileko.+ Funa incekwakho,Ngombana angikayilibali imiyalwakho.+
Imitlolo Ephasi
^ Namkha “abathembekileko.”
^ NgesiHebheru, “Kwanga iindlela zami zinganzinza.”
^ Namkha “Ngizokufunda.”
^ Namkha “ifunda.”
^ Namkha “ngifunde.”
^ NgesiHebheru, “Ingabi marhamaru.”
^ Namkha kungenzeka “esenzwe kilabo abakusabako.”
^ Namkha “ngizokufunda.”
^ Namkha “Ongenze ngasilinda.”
^ Namkha “bengona ngephoso.”
^ NgesiHebheru, “azinamizwa njengamafutha.”
^ Namkha kungenzeka “ngamala.”
^ Namkha “ngizokufunda.”
^ Kutjho “yoke imisebenzakhe.”
^ NgesiHebheru, “ubanzi khulu.”
^ Namkha “Ngifunda.”
^ Namkha “ngifunda.”
^ Namkha “abahliziyombili.”
^ Namkha “ngifunde ilizwi.”
