AmaRhubo 49:1-20
Kumnqophisi. Irhubo lamadodana kaKhorarhi. Ingoma.
49 Yenizwe lokhu, noke nina ntjhaba.
Tjhejani, noke nina zakhamuzi zephasi,
2 Abancani nabakhulu,Abanjingileko nabatlhagako.
3 Umlomami uzokukhuluma ukuhlakanipha,Ukuzindla kwehliziywami+ kuzokutjengisa ukuzwisisa.
4 Ngizokutjheja isaga;Ngizokuhlathulula isirarejo sami ngeharibha.
5 Kubayini kufuze ngisabe ngeenkhathi ezibudisi,+Nangibhodwe bubumbi balabo abalinga ukungiketula?
6 Labo abathembela ebunjingeni babo+Abazikhakhazisa ngomnothwabo omkhulu,+
7 Akekho namunye wabo ongahlenga umfowaboNamkha anikele uZimu isihlengo bona amhlenge,+
8 (Inani lesihlengo sokuphila kwabo liligugu khulu
Kangangobana angeze nanini bakghona ukulibhadela);
9 Bona aphile nini nanini, angaliboni ithuna.*+
10 Uyabona ukuthi ngitjho nabantu abahlakaniphileko bayafa;Iindlhadlha nabanganangqondo babhubha ndawonye,+Begodu kufuze batjhiyele abanye umnothwabo.+
11 Ngeenhliziyweni zabo bafisa ngasuthi izindlu zabo zingahlala ngokungapheliko,Amatendabo ahlale iinzukulwana ngeenzukulwana.
Bathiyelela iinarha zabo ngamagamabo.
12 Kodwana umuntu, ngitjho nanyana ahlonitjhwa, angekhe ahlale;+Akasingcono kuneembandana ezibhubhako.+
13 Le yindlela yeendlhadlha+Neyalabo abazilandelako, abathatjiswa mamezwi wazo alilize. (Sela)
14 Bazokwabelwa eThuneni* njengezimvu.
Ukufa kuzobelusa;Abalungileko bazobabusa+ ekuseni.
Woke umtlhalabo uzokutjhabalala;+Ikhaya labo lizokuba liThuna*+ ingasi isigodlo.+
15 Kodwana uZimu uzongihlenga emandleni weThuna,*+
Ngombana uzongibamba. (Sela)
16 Ungathuswa kukuthi umuntu uyanjinga,Ukuthi uburhanyarhanya bendlwakhe buyanda,
17 Ngombana nakahlongakalako akazukukhamba nalitho;+Uburhanyarhanya bakhe angekhe behlele naye phasi.+
18 Ngombana nakasaphilako uyazikwakwazelela.+
(Abantu bayakudumisa nawuphumelelako.)+
19 Kodwana ekugcineni uhlanganyela nesizukulwana sabokhokho bakhe.
Angekhe basakubona ukukhanya.
20 Umuntu ongakuzwisisiko lokhu, ngitjho nanyana ahlonitjhwa,+Akasingcono kuneembandana ezibhubhako.
Imitlolo Ephasi
^ NgesiHebheru, “angawuboni umgodi.”
^ Namkha “eTjhiyoli.” Qala Ihlathululo.
^ Namkha “yiTjhiyoli.” Qala Ihlathululo.
^ Namkha “weTjhiyoli.” Qala Ihlathululo.
