AmaRhubo 51:1-19
Kumnqophisi. Ingoma kaDavida, ngesikhathi uNathani umphorofidi aya kuye ngemva kokuthi uDavida aye emabhayini noBhathi-Tjheba.
51 Maye! Zimu, yiba nomusa kimi ngethando lakho.*+
Sula imitjhaphwami ngomusakho omkhulu.+
2 Ngihlanza emtjhaphwenami ngokupheleleko,+Ngihlwenge nesonweni sami.+
3 Ngombana ngiyazi kuhle imitjhaphwami,Nesono sami siphambi kwami* qobe.+
4 Ngone wena ngaphezu kwabo boke;*+Ngenze okumbi emehlwenakho.+
Yeke, ulungile nawukhulumako,Ulungile esahlulelweni sakho.+
5 Qala! Ngabelethwa ngimlandu,Begodu umma wazithwala mina esonweni.*+
6 Qala! Uthanda iqiniso elisehliziyweni;+Fundisa ihliziywami ukuhlakanipha kwamambala.
7 Ngicwengisa ngehisopi esonweni sami bona ngihlwengeke;+Ngihlanza bona ngibe mhlophe ukudlula igabhogo.+
8 Ngivumela ngizwe itjhada lethabo nokujekezela,Bona amathambo owaphohlozileko athabe.+
9 Ubuso bakho abufulathele izono zami,+Usule yoke imitjhaphwami.+
10 Maye! Zimu, nginikela ihliziyo emsulwa,+Ungenze ngihlale ngifisa ukwenza okuhle.+
11 Ungangiqothi phambi kwakho;Ungawususi nommoyakho ocwengileko kimi.
12 Ngibuyisela ithabo lesindiswakho;+Ungenze bona ngizimisele ukukulalela.*
13 Ngizokufundisa abatjhaphako iindlela zakho,+Ukwenzela bona izoni zibuyele kuwe.
14 Maye! Zimu, Zimu wesindiswami,+ ngisindisa emlandwini weengazi,+Bona ilimu lami limemezele ukulunga kwakho ngethabo.+
15 Maye! Jehova, vula iindebe zami,Ukwenzela bona umlomami umemezele indumiswakho.+
16 Ngombana awuwufuni umhlatjelo, ngathana bekungasinjalo bengizokunikela;+Awuthatjiswa mnikelo otjhiswako opheleleko.+
17 Imihlatjelo ethabisa uZimu mumoya ophukileko;Maye! Zimu, angeze uyilahle* ihliziyo ephukileko nezisolako.+
18 Ngokulunga kwakho yenzela iZiyoni okuhle;Yakha amaboda weJerusalema.
19 Ngemva kwalokho uzokuthatjiswa mihlatjelo yokulunga,Imihlatjelo yokutjhiswa neminikelo epheleleko;Iinkunzi zizokunikelwa e-aldareni lakho.+
Imitlolo Ephasi
^ Namkha “ngethando lakho elithembekileko.”
^ Namkha “ngicabanga ngaso.”
^ NgesiHebheru, “wena kwaphela.”
^ Namkha “benginesono kusukela ngesikhathi umma azithwala.”
^ NgesiHebheru, “Kwanga ungangisekela ngommoya ozimiseleko.”
^ Namkha “uyidelele.”
