AmaRhubo 56:1-13
Kumnqophisi; lizokuvunywa ngendlela yengoma ethi, “Ijuba Elithulileko Elikude Khulu.” Irhubo lakaDavida. IMikitamu.* Ngesikhathi abanjwe maFilista eGathi.
56 Maye! Zimu, yiba nomusa kimi ngombana abantu bayangisahlela.
Basolo balwa nami ilanga loke begodu bayangigandelela.
2 Amanabami asolo ayangisahlela ilanga loke;Amanengi alwa nami ngokuzikhakhazisa.
3 Nangisabako,+ ngithembela kuwe.+
4 Ngithembela kuZimu, engidumisa ilizwi lakhe;Ngithembela kuZimu, angisabi.
Umuntu angangenzani?+
5 Ilanga loke bayangitshwenya;Ukuphela kwento abayicabangako kungilimaza.+
6 Bayazifihla bona bangisahlele;Baqala yoke into engiyenzako,+Ngethemba lokungibulala.+
7 Bajezise ngebanga lokukhohlakala kwabo.
Maye! Zimu, yehlisa iintjhaba ngelaka lakho.+
8 Ukutlola phasi koke ukuzulazula kwami.+
Faka iinyembezi zami ngebhodlelweni lakho lesikhumba.+
Azikatlolwa na encwadinakho?+
9 Amanabami azokuhlehla ngelanga engibawa ngalo isizo.+
Nakhu engiqiniseka ngakho: UZimu usehlangothini lami.+
10 Ngithembela kuZimu, engidumisa ilizwi lakhe;Ngithembela kuJehova, engidumisa ilizwi lakhe;
11 Ngithembela kuZimu, angisabi.+
Umuntu angangenzani?+
12 Maye! Zimu, ngibotjhwe ziimfungo engizenze kuwe;+Ngizokunikela ngamezwi wokuthokoza kuwe.+
13 Ngombana ungihlenge ekufeni+Wabamba iinyawo zami bona zingakhutjhwa,+Ukwenzela bona ngikhambe phambi kwakaZimu ekukhanyeni kwabaphilako.+
Imitlolo Ephasi
^ Qala Ihlathululo.
