AmaRhubo 73:1-28
Ingoma ka-Asafa.
73 UZimu muhle kwamambala ku-Israyeli, kilabo abamsulwa ehliziyweni.+
2 Kodwana mina, iinyawo zami pheze zaphambuka;Iinyawo zami pheze zatjhelela.+
3 Ngaba nomona ngabazikhakhazisakoNangibona ukuthula kwabakhohlakeleko.+
4 Ngombana abezwa ubuhlungu nabahlongakalako;Imizimbabo iphile tswe.*+
5 Abanamraro njengabanye abantu,+Begodu abatlhagi njengabanye abantu.+
6 Yeke, ukuzikhukhumeza sigejiso sabo sentanyeni;+Inturhu isisambatho sabo.
7 Ipumelelwabo yenza amehlwabo abe makhulu;Ipumelelwabo idlule lokho ebebakucabanga ngeenhliziyweni zabo.
8 Bayanyefula, batjho nezinto ezimbi.+
Ngokuzikhakhazisa, bathusela ngokugandelela.+
9 Bakhuluma ngasuthi baphakeme njengezulu,Amalimabo ayazikhakhazisa ephasini.
10 Nje-ke abantu bakhe batjhinga kibo,Basela emanzinabo amanengi.
11 Bathi: “UZimu wazi njani?+
Kghani oPhezukoke unelwazi kwamambala?”
12 Iye, laba ngabakhohlakeleko, izinto zabo ezihlala zibakhambela kuhle.+
Basolo bandisa umnothwabo.+
13 Kwamambala kube lilize ukuvikela ihliziywami ihlale imsulwaNokuhlamba izandla zami ebumsulweni.+
14 Bengitshwenyekile ilanga loke;+Qobe ekuseni bengijeziswa.+
15 Kodwana ngathana ngizikhulumile izintwezi,Lokho bekuzokuba kungathembeki ebantwini bakho.
16 Kwathi nangilinga ukuzwisisa lokhu,Kwangitshwenya
17 Bekwaba kulapho ngingena endaweni ecwengileko ekulu kaZimu,Ngalemuka ingomuso labo.
18 Ngokuqinisekileko ubabeka endaweni etjhelelako.+
Ubenza bawe babhubhe.+
19 Qala bona babhujiswa kungakalindeleki kangangani!+
Qala bona ukuphela kwabo kufika kungakalindeleki begodu kuthusa kangangani!
20 Maye! Jehova, njengomuntu ovuka ebhudangweni,Uzokuvuka, ususe* umfanekiswabo.
21 Kodwana ihliziywami yaba buhlungu,+Begodu ngaphathwa sihlabi.
22 Bengingacabangisisi begodu ngingazwisisi;Benginjengesilwana esinganangqondo phambi kwakho.
23 Kodwana nje ngihlala nginawe;Ubambe isandla sami sokudla.+
24 Uyanginqophisa ngeseluleko sakho,+Ngemva kwalokho, uzongisa ephazimulweni.+
25 Ngubani enginaye ezulwini?
Ngaphandle kwakho, angifisi litho ephasini.+
26 Umzimbami nehliziywami kungaphelelwa mamandla,Kodwana uZimu ulidwala lehliziywami nesabelo sami ngokungapheliko.+
27 Kwamambala, labo abakhambela kude nawe bazokubhubha.
Uzokuphelisa boke abangakathembeki kuwe.+
28 Kodwana mina, ukutjhidela kuZimu kuhle kimi.+
Ngenze iKosi ePhakemeko uJehova isiphephelo sami,Bona ngimemezele yoke imisebenzakho.+
