AmaRhubo 96:1-13
96 Bhinelani uJehova ingoma etja.+
Iphasi loke, alibhinele uJehova!+
2 Bhinelani uJehova; dumisani igama lakhe.
Memezelani iindaba ezimnandi zesindiswakhe ilanga nelanga.+
3 Memezelani iphazimulwakhe hlangana neentjhaba,Imisebenzakhe ekarisako hlangana nazo zoke iintjhaba.+
4 UJehova mkhulu, ufanelwe nokudunyiswa.
Ubabazeka ukudlula boke abanye abozimu.
5 Boke abozimu beentjhaba bozimu abalilize,+Kodwana uJehova nguye owenze izulu.+
6 Phambi kwakhe kunobukhosi* nephazimulo;+Amandla nobuhle busendawenakhe ecwengileko.+
7 Nikelani uJehova okumfaneleko, nina mindeni yeentjhaba,Nikelani uJehova okumfaneleko ngebanga lephazimulo namandlakhe.+
8 Nikelani uJehova iphazimulo efanele igama lakhe;+Lethani isipho, ningene neenrhodlweni zakhe.
9 Khothamani phambi kwakaJehova* nimbethe izambatho ezicwengileko;*Iphasi loke alithuthumele phambi kwakhe!
10 Memezelani hlangana neentjhaba, nithi: “UJehova ube yiKosi!+
Iphasi lidzimelele, angeze lasikinywa.
Uzokwahlulela iintjhaba ngokulunga.”+
11 Izulu alithabe begodu iphasi lijekezele;Ilwandle alidume nakho koke okukilo;+
12 Amasimu nakho koke okukiwo akuthabe.+
Ngesikhathi esifanako imithi yehlathi ayirhuwelele ngethabo+
13 Phambi kwakaJehova ngombana uyeza,Uyeza azokwahlulela iphasi.
Uzokwahlulela iphasi ngokulunga+Neentjhaba ngokuthembeka kwakhe.+
Imitlolo Ephasi
^ Namkha “kunesithunzi.”
^ Namkha “Lotjhani uJehova.”
^ Namkha kungenzeka “ngebanga lokuphazimula kokucwengeka kwakhe.”
