Amosi 2:1-16
2 “Nakhu uJehova akutjhoko,‘“Ngebanga lokuthi bangivukele* iinkhathi ezintathu abantu bakwaMowabi,+ angeze ngakubuyisela emuva engikuquntileko,Ngombana batjhise amathambo wekosi yakwa-Edomu aba mlotha.
2 Ngizokuthumela umlilo kwaMowabi,Uzokutjhisa imibhotjhongo evikelekileko yeKeriyothi,+UMowabi uzokufela erawurawini,Ngesikhathi kuhlatjwa umkhosi wepi, kuvuthelwa nephondo.+
3 Ngizokususa umbusi* kwaMowabiNgibulale woke amakhosana wakhona kunye nombusawo,”+ kutjho uJehova.’
4 Nakhu uJehova akutjhoko,‘“Ngebanga lokuvukela kanengi kwakaJuda+ angeze ngakubuyisela emuva engikuquntileko,Ngombana bawalile umthetho kaJehova,*
Akhenge bakhambe eenqophisweni zakhe,+Kodwana badurhiswe mamala adurhisa abokhokho babo.+
5 Ngizokuthumela umlilo kwaJuda,Uzokutjhisa imibhotjhongo evikelekileko yeJerusalema.’+
6 Nakhu uJehova akutjhoko,‘“Ngebanga lokuthi bangivukele iinkhathi ezintathu abantu bakwa-Israyeli+ angeze ngakubuyisela emuva engikuquntileko,Ngombana bathengisa olungileko ngesiliva,Notlhagileko ngamapatlagwana amabili.+
7 Bagadangela iinhloko zabatlhagileko phasi ehlabathini,+Bavala nendlela yabantu abathobekileko.+
Indodana noyise baya emabhayini nomntazana oyedwa,Basilaphaza igama lami elicwengileko.
8 Balala phambi kwelinye nelinye i-aldara+ phezu kweengubo abazithethe bona zibe sibambiso,+Newayini abalisela eendlini zabozimu* babo balifumene ebantwini ababahlawulisileko.’
9 ‘Kodwana ngimi owatjhabalalisa ama-Amori phambi kwabantu bami,+Ama-Amori gade amade njengomuthi womsedari begodu aqine njengomuthi we-owuku,Bewanjengomuthi begodu ngatjhabalalisa isithelo sawo nomrabhawo.+
10 Nganikhupha enarheni yeGibhide,+Nganikhambisa emmangweni iminyaka ema-40,+Bona nithathe inarha yama-Amori.
11 Ngakhetha amanye amadodanenu ngawenza abaphorofidi+
Amanye ngawenza amaNaziri.+
Kghani akusinjalo na, bantu bakwa-Israyeli?’ kutjho uJehova.
12 ‘Kodwana niragele phambili nanikela amaNaziri iwayini bona asele,+Nayala abaphorofidi nathi: “Ningaphorofidi.”+
13 Ngizonitjhabalalisa endawenenu,Njengalokha ikarana ethwele ikoroyi igadanga nanyana yini engaphasi kwayo.
14 Onebelo angekhe abe nendawo azokubalekela kiyo,+Onamandla angeze ahlale anamandla,Begodu akunangorho ezokukghona ukusindisa ukuphila kwayo.
15 Umdumuzi womsebe angeze akghone ukujamelana nepi,Onebelo angeze abaleke,Nomkhweli wenjomani angeze akghone ukusindisa ukuphila kwakhe
16 Ngitjho nengorho enesibindiIzokubaleka ihlubule ngelangelo,’+ kutjho uJehova.”
Imitlolo Ephasi
^ Namkha “bangidlelezele.”
^ NgesiHebheru, “umahluleli.”
^ Namkha “isinqophiso sakaJehova.”
^ Namkha “ethempelini labozimu.”
