Amosi 6:1-14
6 “Maye! Kilabo abazithembako eZiyoniKilabo abazizwa bavikelekile entabeni yeSamariya,+Abadosiphambili beentjhaba ezidumileko,Labo indlu ka-Israyeli ethembele kibo!
2 Dlulelani eKaline nibone.
Khambani nisuke lapho niye eRhamathi eKulu,+Bese nehlele eGathi yamaFilista.
Kghani imibuso le ingcono kunale,*
Namkha isifunda sabo sikhulu ukudlula senu?
3 Anitshwenyeki ngehlekelele ezonehlela+
Nenza abantu abanenturhu babuse?+
4 Balala emibhedeni eyenziwe ngezinyo lendlovu+ begodu bazigedla emasofeni,+Badla amaramu namakonyana anonileko;*+
5 Benza iingoma zikhambisane netjhada leharibha,+Benza iinsimbi zombhino njengoDavida;+
6 Basela iwayini ngeenkapho ezikulu+
Begodu bazizesa ngamafutha akhethekileko.
Kodwana abatshwenyeki ngehlekelele ezokwehlela uJosefa.+
7 Bazokuba ngebokuthoma abaya ekudingisweni,+Begodu neminyanya enetjhada yalabo abazigedle emasofeni izokuphela.
8 ‘IKosi ePhakemeko uJehova ufunge ngaye,’+ kutjho uJehova uZimu wamabutho,‘“Ngiyakunyenya ukuzikhakhazisa kwakaJakopo,+Ngiyayihloya imibhotjhongwakhe evikelekileko,+Begodu ngizokunikela idorobho nakho koke okukilo emanabenalo.+
9 “‘“Nange kusele amadoda alitjhumi ngendlini yinye, nawo azokufa.
10 Isihlobo sizokuza siwakhuphele ngaphandle bese siwatjhise ngamunye ngamunye. Sizokukhupha amathambawo ngendlini; sizokuthi kiloyo ongeenkumbeni, ‘Basesekhona abanye ngendlini?’ Uzosiphendula athi, ‘Akusanamuntu!’ Nje-ke sizokuthi, ‘Thula-ke! Ngombana lesi akusiso isikhathi sokukhuluma ngegama lakaJehova’”
11 UJehova ukhuphe umyalo,+Uzokugiriza indlu ekulu ibe marubhi,Begodu indlu encani ibe ziinquqwana.+
12 Kghani iinjomani zingagijima elitjeni,Namkha umuntu angalima ngeenkomo phezu kwalo?
Ngombana niphendule ubulungiswa baba sitjalo esibulalako,Nokulunga kwaba yinghana.*+
13 Nithatjiswa yinto engatjho litho,Begodu nithi, “Kghani asikahluli ngamandlethu na?”+
14 Nje-ke wena ndlu ka-Israyeli, ngizokuletha isitjhaba esizokujamelana nawe,’+ kutjho uJehova uZimu wamabutho,‘Sizonigandelela kusukela eLebo-Rhamathi*+ ukuya emRhobeni* we-Araba.’”
Imitlolo Ephasi
^ Kungenzeka kuqaliselwe emibusweni yakwaJuda neyakwa-Israyeli.
^ Namkha “anonisiweko.”
^ Namkha “kubaba.”
^ Namkha “ebungenweni beRhamathi.”
^ Qala Ihlathululo.
