Hezekiyeli 19:1-14
-
Kulilelwa amakhosana wakwa-Israyeli (1-14)
19 “Kufuze nibhine ingoma yesililo ngokuphathelene namakhosana wakwa-Israyeli
2 nithi,‘Unyoko bekangamadaniswa nani? Ibhubezi elisikazi hlangana namabhubezi.
Bekalala hlangana namabhubezi amancani anamandla begodu atlhogomela amabhubezanakhe.
3 Wakhulisa elinye lamabhubezanakhe, laba libhubezi elincani elinamandla.+
Lafunda ukurathula inyamazana,Belarhiribidela nabantu.
4 Iintjhaba zezwa ngalo zalibamba zalifaka emgodinazo,Begodu zaliletha enarheni yeGibhide ngamawugu.+
5 Walinda, emaswapheleni wabona nokuthi akunathemba lokuthi lizokubuya.
Nje-ke wathatha elinye lamabhubezanakhe walithumela njengebhubezana elincani elinamandla.
6 Belisolo likhambakhamba hlangana namabhubezi laba libhubezi elincani elinamandla.
Lafunda ukurathula inyamazana, belarhiribidela nabantu.+
7 Belikhambakhamba hlangana namadorobhabo avikelekileko latjhabalalisa amadorobhabo,Bona inarha enganalitho izale itjhada lalo lokubhodla.+
8 Iintjhaba zeemfundeni ezizibhodileko zeza ngokujamelene nalo bona ziphose inedazo phezu kwalo.
Begodu labanjwa emgodinazo.
9 Zalifaka ewogweni ngamawugu zaliletha ekosini yeBhabhiloni.
Zalivalela lapho bona iphimbo lalo lingasazwakala eentabeni zakwa-Israyeli.
10 Unyoko bekanjengesidiribe*+ esitjalwe hlanu kwamanzi.
Sathela iinthelo besizele iimpande ngebanga lamanzi amanengi.
11 Saba neempande eziqinileko, zafanela ukuba yintonga yababusi.
Sakhula ukudlula eminye imithi,Sabonakala ngebanga lobude baso nangebanga lamakaraso amanengi.
12 Kodwana emaswapheleni saruthulwa+ ngebanga lelaka saphoselwa ephasini,Umoya wepumalanga womisa iinthelo zawo.
Iimpande zawo eziqinileko zaphulwa zoma+ begodu umlilo wazirhiribidela.+
13 Nje utjalwe emmangweni,Enarheni enganamanzi neyomileko.+
14 Umlilo warhatjheka eempandeni zawo, warhiribidela amahlumelawo neenthelo zawo,
Bekungasanapande eqinileko eseleko, kungasanantonga yokubusa.+
“‘Leso sililo begodu sizokuhlala sisililo.’”
Imitlolo Ephasi
^ NgesiHebheru, “isidiribe esiseengazini zakho.”
