Hosiya 12:1-14
12 “U-Efrayimu udla umoya.
Ugijimisa umoya wepumalanga ilanga loke.
Wandisa amala nenturhu.
Benza isivumelwano ne-Asiriya+ begodu basa amafutha eGibhide.+
2 UJehova umangalela uJuda,+Uzokwenza uJakopo aziphendulele ngebanga leendlela zakhe,Uzombuyisela ngokwezenzo zakhe.+
3 Ngesikhathi asesibelethweni, wabamba umfowabo ngesithende,+Walwisana noZimu ngamandlakhe woke.+
4 Wasolo alwa nengilozi waphumelela.
Walila, wayirabhela bona imbusise.”+
UZimu wamfumana eBhetheli begodu kulapho akhuluma nathi khona,+
5 UJehova uZimu wamabutho,+UJehova ligama akhunjulwa ngalo.+
6 “Yeke buyelani kuZimenu,+Hlalani ninethando* nobulungiswa,+Hlalani nithembele kuZimenu.
7 Kodwana esandleni sesisebenzi sobukghwari* kuneenkali ezikhohlisako,Siyakuthanda ukudlelezela.+
8 U-Efrayimu usolo athi, ‘Mbala, sengiyinjinga,+Ngifumene umnotho.+
Kikho koke ukufukuza kwami, angekhe bafumane litho elingakalungi namkha elisisono.’
9 Kodwana nginguJehova uZimakho kusukela enarheni yeGibhide.+
Ngizokwenza uhlale ematendeni goduNjengemihleni yesikhathi esibekiweko.*
10 Ngakhuluma nabaphorofidi,+Ngandisa imibonwabo,Ngatjho imifanekiso ngisebenzisa abaphorofidi.
11 EGiliyadi kube nekohliso+ namala.
Benze imihlatjelo yeenkunzi eGiligali,+Ama-aldarabo anjengequbi lamatje emiseleni yesimu.+
12 UJakopo wabalekela esimini ye-Aramu,*+U-Israyeli+ waba sisebenzi lapho bona afumane umfazi,+Walusa izimvu bona afumane umfazi.+
13 UJehova wakhupha u-Israyeli eGibhide ngomphorofidi,+U-Israyeli wavikelwa mphorofidi.+
14 U-Efrayimu ubangele ukona okukhulu,+Umlandwakhe weengazi umnamathele,IKosakhe izombuyisela ngehlazo alenzileko.”+
Imitlolo Ephasi
^ Namkha “ninethando elithembekileko.”
^ Namkha “umrhwebi.”
^ Namkha kungenzeka “yomnyanya.”
^ Namkha “yeSiriya.”
