Hosiya 6:1-11
6 “Yenize, asibuyeleni kuJehova,Ngombana usihlahlele saba ziinquqwana+ kodwana uzoselapha.
Usibethile kodwana uzosibopha amanceba.
2 Uzosivuselela ngemva kwamalanga amabili.
Ngelanga lesithathu uzosivusa,Sizokuphila phambi kwakhe.
3 Sizokwazi, sizokufuna ngokusuka ehliziyweni ukwazi uJehova.
Ukuphuma kwakhe kuqiniseke njengethathakusa;Uzokuza kithi njengezulu elina ngamandla,Njengezulu letwasahlobo elimanzisa iphasi.”
4 “Ngenzeni ngawe Efrayimu?
Ngenzeni ngawe Juda?
Ngombana ithando* lakho linjengamafu wekuseni,Linjengombethe onyamalala msinya.
5 Kungakho ngizobaqunta ngabaphorofidi,+Ngizobabulala ngamezwi womlomami.+
Izahlulelo enahlulelwa ngazo zizokuphazimula njengokukhanya.+
6 Ngombana ngithatjiswa lithando elithembekileko,* ingasi imihlatjelo,Ngithatjiswa lilwazi ngoZimu kuneminikelo etjhiswako epheleleko.+
7 Kodwana bona sebabantu nje kwaphela, basiphulile isivumelwano.+
Akhenge bathembeke kimi.
8 IGiliyadi lidorobho labenzi bobumbi,+Lizele ukuphalazwa kweengazi.+
9 Isiqhema sabaphristi sinjengamabutho wabadlelezeli akhukhuthela umuntu bona amsahlele.
Siyabulala endleleni eTjhekemu,+Ngombana ukuziphatha kwabo kuphathisa iinhloni.
10 Ngibone into ethusako endlini ka-Israyeli.
Kulapho u-Efrayimu angwadla khona,+U-Israyeli uzisilaphazile.+
11 Ngaphezu kwalokho uJuda, ubekelwe isivuno,Nangibuyisa abantu bami abathunjiweko.”+
