Isaya 35:1-10
35 Ummango nenarha eyomileko zizokuthaba,+Ummango othabaleleko uzokuthaba bese utlhurhe njengesafroni.+
2 Izokutlhurha nakanjani;+Izokuthaba, irhuwelele ngethabo.
Idumo leLibhanoni lizokunikelwa kiyo,+Iphazimulo yeKarameli+ neyeTjharoni.+
Bazokubona idumo lakaJehova, iphazimulo kaZimethu.
3 Qinisani izandla ezibogabogako,Nidzimelelise namadolo ahlengezelako.+
4 Tjela abagandelelekileko uthi:
“Yibani nesibindi. Ningasabi.
Qalani! UZimenu uyeza uzonilwela,UZimu uza nesijeziso.+
Uzokuza azonisindisa.”+
5 Ngesikhatheso, amehlo weemphofu azokuvulwa,+Iindlebe zabangezwako zizokuzwa.+
6 Ngesikhatheso abarholopheleko bazokweqayeqa njengeqina,+Iimumu zizokurhuwelela ngethabo.+
Ngombana amanzi azokugeleza emmangweni,Nemilanjana emmangweni othabaleleko.
7 Ihlabathi eyonyiswe mtjhiso izokuba mlambo onemihlanga,Nehlabathi eyomileko izokuba mithombo yamanzi.+
Endaweni lapho iimpungutjha ziphumula khona,+Kuzokuba notjani obuhlaza, imihlanga nephaphirasi.
8 Kuzokuba nendlela ekulu lapho,+Iye, indlela ebizwa ngokuthi yiNdlela yokuCwengeka.
Ongakahlwengeki angekhe akhambe kiyo.+
Ibekelwe loyo okhamba endleleni;Isidlhadlha angeze sikhambe kiyo.
9 Angeze kube nebhubezi lapho,Isibandana esilimazako angeze size lapho.
Angeze zifunyanwe lapho;+Ngabathengiweko kwaphela abazokukhamba kiyo.+
10 Labo abahlengwe nguJehova bazokubuya+ beze eZiyoni ngetjhada lethabo.+
Ithabo elingapheliko lizokuba sihlohlo eenhloko zabo.+
Ithabo nokujekezela kuzokuba ngekwabo,Ubuhlungu nokulila kuzokubaleka.+
