Isaya 50:1-11
50 Ngilokhu uJehova akutjhoko:
“Iphi incwadi yesehlukaniso+ kanyoko engamqothako?
Namkha ngibaphi abantu engibakolodako enganithengisela kibo?
Qala! Wathengiswa ngebanga lemitjhaphwakho,+Begodu ngebanga lemitjhaphwakho, unyoko waqothwa.+
2 Kubayini bekunganamuntu nangifikako?
Kubayini kunganamuntu ophendulileko nangibizako?+
Kghani isandla sami sifitjhani khulu bona singahlenga,Namkha anginamandla bona ngingasindisa?+
Qala ngokukhalima kwami ngomisa ilwandle;+Ngenza imilambo ibe yirhalawumba.+
Iinhlambi zakhona ziyabola ngebanga lokungabi namanzi,Begodu ziyafa ngebanga lokoma.
3 Ngimbathisa izulu ngobumnyama obukhulu,+Begodu ngenza umgodla ube sigubuzeso.”
4 IKosi ephakemeko uJehova unginikele ilimu labantu abafundileko,*+
Bona ngazi ukuthi ngibaphendule* njani abadiniweko ngelizwi elifaneleko.+
Ungivusa qobe ekuseni;Uvusa indlebami bona ilalele njengeyalabo abafundileko.+
5 IKosi ePhakemeko uJehova ivule indlebami,Begodu akhenge ngihlubuke.+
Akhenge ngiphambukele ngakwelinye ihlangothi.+
6 Nganikela umhlanami kilabo abangibethakoNemihlathami kilabo abaruthula iindevu.
Akhenge ngifihle ubuso bami ezintweni ezihlazisako nekukhafulelweni.+
7 Kodwana iKosi ePhakemeko uJehova izongisiza.+
Kungebangelo ngingekhe ngihlaziseke.
Kungebangelo ngibeke ubuso bami njengento eqinileko,+Begodu ngiyazi bona angekhe ngiphathiswe iinhloni.
8 Loyo othi ngilungile useduze.
Ngubani ongangisola?*+
Asisikimeni ndawonye.*
Ngubani onomlandu ngami?
Akatjhidele kimi.
9 Qala! IKosi ePhakemeko uJehova izongisiza.
Ngubani ongangibeka umlandu?
Qala! Bazokuphela njengesambatho.
Bazokudliwa mvunya.
10 Ngubani hlangana nani osaba uJehovaBekalalele ilizwi lencekwakhe?+
Ngubani okhambe ebumnyameni obunzima tshu ngaphandle komkhanyo?
Akathembele egameni lakaJehova begodu afumane isekelo kuZimakhe.
11 Qalani! Noke nina enibasa umlilo,Enenza iinhlasela zomlilo zidumuze,Khambani emkhanyweni womlilwenu.
Hlangana neenhlasela zomlilo enizitjhisileko.
Ngilokhu enizokufumana esandleni sami:
Nizokulala phasi nisebuhlungwini obukhulu.
Imitlolo Ephasi
^ Namkha kungenzeka “ngibaqinise.”
^ Namkha “ilimu elibandulwe kuhle.”
^ Namkha “ongabindana nami.”
^ Namkha “Asiqalaneni ubuso nobuso.”
