Izaga 22:1-29
22 Igama elihle kufuze likhethwe kunomnotho omkhulu;+Kungcono ukuhlonitjhwa kunesiliva negolide.
2 Onjingileko notlhagako bafana ngalokhu:
Bobabili benziwe nguJehova.+
3 Ohlakaniphileko ubona ingozi, abhace,Kodwana onganalemuko uya kiyo begodu aqalane nemiphumela.
4 Umphumela wokuthobeka nokusaba uJehovaBunjinga, yiphazimulo nokuphila.+
5 Ameva neenthiyo zisendleleni yomuntu ongakathembeki,Kodwana nanyana ngubani othanda ukuphila kwakhe ukhambela kude nomuntu onjalo.+
6 Bandula umntwana ngendlela okufuze akhambe ngayo;+Ngitjho nanyana sekakhulile angeze asuke kiyo.+
7 Onjingileko ubusa otlhagako,Nobolekako usigqila sobolekisanako.+
8 Nanyana ngubani otjala ukungalungi uzokuvuna ihlekelele,+Neswazi lelaka lakhe lizokuphela.+
9 Umuntu ophanako uzokubusiswa,Ngombana wabelana ukudla kwakhe notlhagako.+
10 Qotha umuntu odelelako,Begodu umbango uzokunyamalala;Ukungazwani nokuthukana kuzokuphela.
11 Omsulwa ehliziyweni begodu okhuluma ngomusaUzokuba mngani wekosi.+
12 Amehlo kaJehova avikela ilwazi,Kodwana wonakalisa amezwi wokhohlisako.+
13 Ivila lithi: “Kunebhubezi ngaphandle!
Ngizokubulawelwa etatawini!”+
14 Umlomo womfazi ophambukako* umgodi otjhingako.+
Okhalinywa nguJehova uzokuwela kiwo.
15 Ubudlhadlha bubotjhelwe ehliziyweni yomntwana,+Kodwana iswazi lesiyalo lizobususa kuye.+
16 Loyo odlelezela otlhagako bona andise umnothwakhe+
Naloyo opha onjingileko iziphoUzokugcina atlhaga.
17 Lalelisisa amezwi wabahlakaniphileko,+Bona wamukele ilwazi ngehliziywakho yoke,+
18 Ngombana kuyathabisa ukuwabulunga ehliziywenakho,+Bona woke ahlale aseendebeni zakho.+
19 Bona ithemba lakho libe kuJehova,Ngikunikela ilwazi namhlanjesi.
20 Kghani angikakutloleli na,Ngikunikela iseluleko nelwazi,
21 Bona ngikufundise amezwi aliqiniso nathembekileko,Bona ubuyele emuntwini okuthumileko nombiko onembileko?
22 Ungadlelezeli umuntu otlhagako ngombana uyatlhaga,+Begodu ungagandeleli umuntu odududu esangweni ledorobho,+
23 UJehova ngokwakhe uzokuqinisekisa bona bafumana ubulungiswa+Begodu uzokuthatha ukuphila kwalabo ababadlelezelako.
24 Ungabi mngani nomuntu onelakaNamkha uzihlanganise nomuntu othanda ukulwa,
25 Bona ungafundi iindlela zakheBegodu uzibekele isithiyo.+
26 Ungabi hlangana nalabo abenza isivumelwano ngesibambiso,Abenza isiqinisekiso sokubolekisa ngemali.+
27 Nange unganalitho bona ubhadele,Umbhedakho uzokuthathwa!
28 Ungasusi umkhawulo wekadeniLoyo owabekwa bokhokho bakho.+
29 Ukhe wambona umuntu onekghono emsebenzinakhe?
Uzokujama phambi kwamakhosi;+Angeze ajame phambi kwabantu abajayelekileko.
