Izaga 9:1-18
9 Ukuhlakanipha kwamambala kwakhe indlwakho;Kubaze iinsika zakho ezilikhomba.
2 Kulungiselele inyamakho;Kuvange iwayini lakho;Kuhlele netafula lakho.
3 Kuthumele iinsebenzi zakho ezisikaziBona zirhuwelele zisendaweni eziphakemeko zedorobho, zithi:+
4 “Nanyana ngubani onganalemuko akangene ngapha.”
Uthi kiloyo onganangqondo:
5 Yewize, udle uburotho bamiBegodu usele iwayini engilivangileko.
6 Tjhiya ukungabi nelemuko kwakho, uphile;+Tjhinga phambili endleleni yokuzwisisa.”+
7 Loyo olungisa onyefulako uzibizela ihlazo,+Begodu nanyana ngubani osola umuntu okhohlakeleko uzokulimala.
8 Ungamsoli umuntu onyefulako ngombana uzokuhloya.+
Sola umuntu ohlakaniphileko, uzokuthanda.+
9 Yabelana nomuntu ohlakaniphileko begodu yena uzokuhlakanipha khulu.+
Fundisa othileko ukulunga begodu yena uzokungezelela efundwenakhe.
10 Ukusaba uJehova kukuthoma kokuhlakanipha,+Begodu ilwazi loCwengeke Khulu+ likuzwisisa.
11 Ngombana ngami amalangakho azokuba manengi,+Begodu iminyaka yokuphila kwakho izokungezelelwa.
12 Nange uhlakanipha, uhlakaniphe bona uzizuzise wena,Kodwana nangabe umnyefuli, uzokuqalana nemiphumela yalokho.
13 Umfazi osidlhayela unetjhada.+
Akatjheji begodu akazi litho.
14 Uhlala ebungenweni bendlwakheEsihlalweni eendaweni eziphakemeko zedorobho,+
15 Urhuwelela labo abadlulako,Labo abakhamba ngokunqophileko endlelenabo:
16 “Nanyana ngubani onganalemuko akangene ngapha.”
Uthi kiloyo onganangqondo:+
17 “Amanzi etjiweko amnandi,Nokudla okudlelwa ngemsitheleni kuyathabisa.”+
18 Kodwana akazi ukuthi labo abanganamandla ekufeni balapho,Bona iimvakatjhi zakhe zisekuzikeni kweThuna.*+
Imitlolo Ephasi
^ Namkha “kweTjhiyoli.” Qala Ihlathululo.
