Jobho 17:1-16
17 “Ummoyami uphukile, amalangami aphelile;Nethuna lingilindile.+
2 Ngiphahlwe babantu abangihlekako,+Ngisolo ngiqale indlela abavukela ngayo.
3 Zimu, ngibawa ungithembise ukuthi uzongisiza.
Ngubani omunye ongangisiza?+
4 Ngombana abantwaba ubafihlele ukuhlakanipha;+Begodu kungebangelo ungabaphakamisi.
5 Batjela abangani babo ukuthi bazababela kilokho abanakho,Kukulapho abantwababo bangasaboni ngebanga lendlala.
6 UZimu uhlekise ngami ebantwini,+Bona bangikhafulele ebusweni.+
7 Amehlwami ayafifiyela ngebanga lobuhlungu,+Nomzimbani wondile.
8 Umuntu olungileko uyarareka nakabona lokhu,Omsulwa uyatshwenyeka ngebanga leenhlubuki.
9 Olungileko uzokuragela phambili enza okulungileko,+Nonezandla ezihlwengileko uzokuba namandla.+
10 Nje-ke, noke ningeza nizokuthoma ipikiswanenu godu,Ngombana bekube nje, akekho namunye kinapho okhulume into ehlakaniphileko.+
11 Nakumalangami wona aphelile;+Amanwami neemfiso zehliziywami kutjhabalele.+
12 Ubusuku babenza bube yimini,Bathi, ‘Nakumnyama nje kutjho bona ukukhanya kuseduze.’
13 Nangingalinda, iThuna* lizakuba likhaya lami;+Umbhedami ngizawendlala ebumnyameni.+
14 Ngizakubiza ithuna ngithi kilo,+ ‘Ungubaba!’
Iimbungu ngithi kizo, ‘Ungumma nodadwethu!’
15 Alo, liphi ithemba lami?+
Kusesenomuntu ocabanga bona nginethemba?
16 Ithemba lami lizokwehlela emasangweni weThuna*Nangehlela ethulini lizokwehla nami.”+
