Jobho 28:1-28
28 “Kunendawo lapho kufumaneka khona isilivaNendawo lapho kufumaneka khona igolide elizokuhlungwa;+
2 Isimbi ikhutjhwa phasi,Nekhopha yenjiwa emadwaleni.+
3 Umuntu uhlula ubumnyama;Utjhinga endaweni enzima tshu!
Ayokufuna izinto eziligugu.*
4 Ubethela isimbi kude nalapha kuhlala khona abantu,Eendaweni ezingasakhunjulwa, kude nalapha kukhamba khona abantu,Amanye amadoda ehlele ngaphasi begodu alenge ngerobho njengombana asebenza.
5 Ukudla kumila phezulu ehlabathini;Kodwana ngaphasi kwayo itjhugululwe kwanga iyatjha.*
6 Ematjenapho kunelitje isafire,Begodu nethuli lakhona linegolide.
7 Ikhozi aliyazi indlela leyo;Nedlanga akhenge kheliyibone indlela leyo.
8 Akunasibandana esithusako ekhe sakhamba lapho;Ngitjho nebhubezana akhenge khelikhambakhambe lapho.
9 Umuntu umadlha ilitje;Iintaba uziphendulela emirajinazo.
10 Imilambo yamanzi uyemba+ edwaleni;Ilihlo lakhe libona yoke into eligugu.
11 Uvala iindawo lapho imilambo ivela khonaBegodu okufihlekileko ukuletha emkhanyweni.
12 Alo, ukuhlakanipha kufumanekaphi,+Ukuzwisisa kuhlala kuphi?+
13 Akunamuntu obona ukuqakatheka kwakho,+Begodu angeze kwafumaneka ephasini.
14 Amanzi asekuzikeni athi, ‘Akukho kimapha!’
Nelwandle lithi, ‘Akukho kimapha!’+
15 Ukuhlakanipha angeze kwathengwa ngitjho nangegolide lamambala,Nesiliva angeze lamadaniswa nakho.+
16 Angeze kwathengwa nangegolide le-Ofira+Nangelitje i-oniksi nesafire.
17 Igolide nerhalasi angeze kwamadaniswa nokuhlakanipha;Ngitjho nesitja esenziwe ngegolide elihlungiweko angeze samadaniswa nakho.+
18 Iparele nekhristali, zona-ke azisaphathwa nokuphathwa,+Ngombana ukuhlakanipha kuqakatheke ukudlula amaparele amanengi.
19 Ithopazi+ yeKutjhe angeze yamadaniswa nakho;Ukuhlakanipha angeze kwathengwa ngitjho nangegolide elihlungiweko.
20 Alo, ukuhlakanipha kubuyaphi,Ukuzwisisa kukuphi lapha kungafumaneka khona?+
21 Ukuhlakanipha kufihlelwe koke okuphilako ephasini+
Ngitjho neenyoni zifihlelwe ukuhlakanipha.
22 Ithuna nokufa kuthi,‘Sikuzwela kude ukuhlakanipha.’
23 UZimu nguye ozwisisa indlela yokufumana ukuhlakanipha;Nguye kwaphela owazi lapha kuhlala khona,+
24 Ngombana ubona nemaphethelweni wephasi,Begodu ubona koke okwenzeka ephasini.+
25 Lokha nakapha umoya amandla+Bekalinganise nobukhulu bamanzi,+
26 Nakabeka isikhathi sokuna kwezulu+Nendlela yomoya namafu wakhona nomdumo,+
27 Kungesikhatheso lapho abona khona ukuhlakanipha ezintweni azenzileko bewakuhlathulula;Wenza bona ukuhlakanipha kube khona begodu wakuhlahluba.
28 Watjela umuntu wathi kuye:
‘Ukusaba uJehova ngikho ukuhlakanipha,+Ukuzwisisa kutjho ukufulathela ubukhohlakali.’”+
Imitlolo Ephasi
^ NgesiHebheru, “amatje aligugu.”
^ Kubonakala ngasuthi ikhuluma ngemisebenzi eyenziwa emayini.
