Jobho 36:1-33
36 U-Elihu waraga wathi:
2 “Akhungibekezelele isikhatjhana ngihlathulule,Ngombana ngisesenamezwi engifuna ukuwakhulumela uZimu.
3 Ngizokukhuluma koke engikwaziko,Begodu ngizokumemezela ukuthi ukulunga ngekoMbumbami.+
4 Amezwami awasimamala;Amezwi la avela kiloyo owazi koke.+
5 UZimu unamandla+ begodu akanyazi muntu;Uzwisisa khulu.
6 Angekhe avumele okhohlakeleko aragele phambili nokuphila,+Kodwana ubenzela ubulungiswa abagandelelekileko.+
7 Akawasusi amehlwakhe ebantwini abalungileko;+Ubahlalisa namakhosi+ eenhlalweni zawo begodu baphakanyiswa ngokungapheliko.
8 Kodwana nababotjhwe ngeenketaniBegodu babanjwe ngeenrobho zokugandeleleka,
9 Ubembulela abakwenzileko,Imitjhaphwabo ebangelwe kuzikhakhazisa kwabo.
10 UyabakhalimaBekabatjele bona balise ukwenza okumbi.+
11 Nabalalelako bebamlotjhe,Bazokuphumelela,Begodu ukuphila kwabo kuzokuthabisa.+
12 Kodwana nabangalaleliko, bazokutjhabalala ngesabula+Begodu bafe banganalwazi.
13 Abangasabi uZimu bayasilingeka.*
Abalibawi isizo ngitjho nanyana abajezisa.
14 Bafa basesebatjha,+Ukuphila kwabo kuphelela hlangana neengwadla zamadoda zethempelini.+
15 Kodwana uZimu usindisa abagandelelekileko ekugandelelekeni kwabo;Ukhuluma nabo* lokha nabagandelelekileko.
16 Ukukhupha ekugandelelekeni+Akuse endaweni ebanzi, enganamibandela,+Begodu wena uzokududuzeka ngokudla okunothileko etafulenakho.+
17 Ngemva kwalokho uzokubona isahlulelo sakaZimu esifaneleko ngokujamelene nokhohlakeleko,+Lokha isahlulelo nobulungiswa kusekelana.
18 Kodwana tjheja bona ilaka lingakwenzi ube nomona,+Ungavumeli ukufunjathiswa kukuphambukise.
19 Kghani ukubawa isizoNamkha imizamwakho yamandla izokwenza ungagandeleleki?+
20 Ungabukhanukeli ubusuku,Lapho abantu banyamalala khona eendaweni zabo.
21 Yelela bona ungenzi okumbi,Kunalokho khetha ukukghodlhelelela ubuhlungu.+
22 UZimu uphakeme ngebanga lamandlakhe;Ngimuphi umfundisi onjengaye?
23 Ngubani onqophise* indlelakhe+Namkha wathi kuye, ‘Akukalungi okwenzileko’?+
24 Khumbula ukudumisa umsebenzakhe,+Abantu ababhine ngawo.+
25 Boke abantu bawubonile,Umuntu uwuqalela kude.
26 Asikghoni ukwazi ubukhulu bamandla kaZimu;+Iminyakakhe ayibaleki.+
27 Wenyusa amathosi wamanzi;+Ekugcineni amathosi wamanzi la aba lizulu nekungu;
28 Ngemva kwalokho amafu awakghuthulela phasi;+Anethele abantu.
29 Ukhona na ozwisisa indlela amafu andlaleke ngayo,Umdumo ovela etendeni lakhe?+
30 Qala indlela andlale ngayo umbani+ phezu kwawoBegodu wenza bona amanzi afike ekuzikeni kwelwandle.
31 Ngezintwezi utlhogomela* abantu;Ubapha ukudla okunengi.+
32 Uvala umbani ngezandla zakhe,Awunqophise lapha afuna uye khona.+
33 Umdumo umemezela ukuba khona kwakheNgitjho nefuyo yenza kwaziwe ukuthi ngubani ozako.
Imitlolo Ephasi
^ Namkha “isihlubuki siyasilingeka.”
^ NgesiHebheru, “Uvula iindlebe zabo.”
^ Namkha kungenzeka “ongamnyefula; ongamsola.”
^ Namkha kungenzeka “ugweba.”
