Juweli 1:1-20
1 Naka amezwi uJehova awakhuluma kuJuweli* indodana kaPetuweli:
2 “Yizwani lokhu nina badala,Lalelisisani noke nina enihlala enarheni.*
Kghani into enje kheyenzeka emihlenenu,Namkha emihleni yabokhokho benu na?+
3 Tjelani amadodanenu ngayo,Amadodanenu atjele amadodanawo ngayo,Namadodanawo atjele isizukulwana esilandelako ngayo.
4 Lokho okwatjhiywa ziintethe ezitjhabalalisako, kudliwe sikhonyani,+Okwatjhiywa sikhonyani, kudliwe ziintethe ezinganamaphiko,Okutjhiywe ziintethe ezinganamaphiko, kudliwe ziintethe ezirhiribidelako.+
5 Vukani, nilile nina ndakwa ndina!+
Khihlani isililo noke nina enisela iwayini,Ngombana iwayini elitjha lihluthulwe emilonyenenu.+
6 Ngombana kunesitjhaba esikhuphukele enarhenami, isitjhaba seengorho esinganasibalo.+
Amazinywaso mazinyo webhubezi,+ nemihlathaso ngeyebhubezi.
7 Sitjhabalalise isidiribe sami begodu satjhiya umuthami wamafeyi usidindi,Sisihlikize ngokupheleleko besasifuthela ngeqadi,Satjhiya iinhlumela zaso zimhlophe.
8 Rhahlawula njengentombi* embethe umgodlaNayililela umkhwenyana* wobutjha bayo.
9 Iminikelo yeenthoro+ neminikelo yesiselo+ ayisenziwa endlini kaJehova,Abaphristi, iinsebenzi zakaJehova, bazilile.
10 Amasimu atjhatjalalisiwe, ihlabathi iyazila,+Ngombana iinthoro zitjhatjalalisiwe, iwayini elitjha lomile, amafutha aphelile.+
11 Abalimi baphelelwe mamandla, abatlhogomeli besidiribe bayarhahlawula,Ngebanga lekoroyi nebhali,Ngombana isivuno samasimu sitjhabalele.
12 Isidiribe somile,Umuthi wamafeyi utjhwabile.
Amarharinada, umuthi wesundu, nama-abhula,Yoke imithi yemasimini yomile,+Ngombana ithabo litjhuguluke iinhloni hlangana nabantu.
13 Yembathani imigodla benizile* nina baphristi,Rhahlawulani nina abasebenza e-aldari.+
Ngenani benihlale ubusuku boke nimbethe imigodla nina abasebenzela uZimami,Ngombana iminikelo yeenthoro+ neminikelo yesiselo+ ayikalethwa endlini kaZimenu.
14 Memezelani ukuzila ukudla, bizani umhlangano ocwengileko.+
Hlanganisani abadala nabantu boke benarha,Nibahlanganisele endlini kaJehova uZimenu,+ benilile kuJehova nibawe isizo.
15 Maye! Ngebanga lelangelo.
Ngombana ilanga lakaJehova litjhidele,+Lizokuza njengokurhayila okuvela kuMninimandla Woke!
16 Kghani ukudla akukathathwa phambi kwamehlwethu,Nokujekezela nethabo akukathathwa endlini kaZimethu?
17 Imbewu irhunyele* ngaphasi kweenrharafu zabo.
Iinlulu azinalitho.
Iinlulu zeenthoro zigiriziwe ngombana iinthoro zomile.
18 Ngitjho nefuyo iyabubula!
Imihlambi yeenkomo iyatjharhatha, itjharagene ngombana ayinamadlelo!
Nemihlambi yezimvu ifumana isijezisweso.
19 Ngizokubiza wena Jehova,+Ngombana umlilo urhiribidele amadlelo wemmangweni,Nelangabi liqede yoke imithi esesimini.
20 Ngitjho neenlwana zommango ziyakulilela,Ngombana imisele yamanzi yomileNomlilo urhiribidele amadlelo wemmangweni.”
Imitlolo Ephasi
^ Kutjho ukuthi “UJehova UnguZimu.”
^ Namkha “ephasini.”
^ NgesiHebheru, “njengetlawu.”
^ NgesiHebheru, “umyeni.”
^ Namkha “bethani iimfuba zenu.”
^ Namkha kungenzeka “Amafeyi omileko arhunyele.”
