Juweli 3:1-21
3 “Qala! Emihleni leyo nesikhathineso,Nangibuyisa abathunjiweko bakwaJuda nebeJerusalema,+
2 Ngizokubuthelela nazo zoke iintjhaba
Ngizehlisele emRhobeni kaJehotjhafathi.*
Ngizozahlulela lapho+Ngebanga labantu bami nelifa lami u-Israyeli,Ngombana zabasabalalisela eentjhabeni,Zahlukaniselana inarhami.+
3 Zenzela abantu bami ifumbe,+Bezithengisa umsana bona ziqatjhe ingwadlaZithengise umntazana bona zifumane iwayini lokurhamula.
4 Godu, kanti ningibangisani,Wena Tirosi neTsidoni nazo zoke iimfunda zeFilista?
Kghani niyazibuyiselela kimi ngebanga lokuthileko?
Nangabe niyazibuyiselela,Mina ngizozibuyiselela phezu kweenhloko zenu msinyana nangokurhabako.+
5 Ngombana nithethe isiliva negolide lami,+Begodu nilethe amagugwami akhethekileko emathempelinenu,
6 Abantu bakwaJuda nebeJerusalema nibathengisele amaGirigi,+Ukuze nibase kude nenarhabo,
7 Ngizobahlohlozela bona baphume endaweni enabathengisela kiyo,+Begodu ngizozibuyiselela phezu kweenhloko zenu.
8 Ngizokuthengisa amadodana namadodakazakho ebantwini bakwaJuda,+Bona bazowathengisa emadodeni weTjheba, isitjhaba esikude khulu;Ngombana mina Jehova ngikhulumile.
9 Memezelani lokhu eentjhabeni:+
‘Lungelani ipi! Hlohlozelani iintsitsirimba!
Woke amajoni awatjhidele, ayihlome isahlele!+
10 Yenzani amalembe weemplurhu zenu abe ziinsabula nemikhwenu yokuthena imithi ibe mikhonto.
Obogabogako akathi: “Nginamandla.”
11 Yenize nizokusiza, noke nina ntjhaba ezisibhodileko, hlanganani!’”+
Maye! Jehova yehlisela iingorho zakho endaweni leyo.
12 “Iintjhaba azihlohlozelwe bezikhuphukele emRhobeni kaJehotjhafathi,Ngombana ngizokuhlala lapho bona ngahlulele zoke iintjhaba ezinibhodileko.+
13 Fakani isegere, ngombana isivuno sesivuthiwe.
Yehlani nigadange, ngombana ubutlhodlhelo bewayini buzele.+
Imigodi yokutlhodlhela iyaphuphuma, ngombana ubumbi babo bunengi khulu.
14 Iinqubuthu, iinqubuthu zisemrhobeni wesahlulelo,Ngombana ilanga lakaJehova litjhidele emrhobeni wesahlulelo.+
15 Ilanga nenyezi zizokuba mnyama,Neenkwekwezi zizokufiphala.
16 UJehova uzokubhodla aseZiyoni,Uzokuphakamisa ilizwi aseJerusalema.
Izulu nephasi kuzokudengezela,Kodwana uJehova uzokuba siphephelo sabantu bakhe,+Uzokuba yindawo evikelekileko yabantu bakwa-Israyeli.
17 Nina nizokwazi ukuthi nginguJehova uZimenu, ohlala eZiyoni, intabami ecwengileko.+
IJerusalema izokuba yindawo ecwengileko,+Abatjhili angekhe basadlula kiyo.+
18 Ngelangelo iintaba zizokuwuluka iwayini elitjha,+Imibundu izokugeleza ibisi,Yoke imilanjana yakwaJuda izokugeleza amanzi.
Kuzokugeleza amanzi aphuma emthonjeni ongendlini kaJehova,+Azokuthelelela iMithi yoMunga esemRhobeni.
19 Kodwana iGibhide izokuba yindawo enganalitho,+I-Edomu izokuba mumango onganalitho,+Ngebanga lenturhu eziyenze ebantwini bakwaJuda,+Zaphalaza iingazi ezinganamlandu enarhenabo.+
20 Kodwana kwaJuda kuzokuhlala kunezakhamuzi,NeJerusalema izokuhlalwa ziinzukulwana ngeenzukulwana.+
21 Iingazi zabo ebengithe zimlandu ngizokuthi azisimlandu,+Begodu uJehova uzokuhlala eZiyoni.”+
Imitlolo Ephasi
^ Kutjho ukuthi “UJehova UngumaHluleli.”
