Mikha 2:1-13
2 “Maye! Kilabo abahlela ukwenza okulimazako,Abakuhlela balele emibhedenabo!
Kuthi ekuseni bakwenze,Ngombana kusemandlenabo ukukwenza.+
2 Nabafuna isimu bayayithatha,+Nabafuna umuzi bayawuthatha,
Badlelezela umuntu umuzakhe,+Begodu bathathe nelifa lakhe.
3 Nje-ke ngilokhu uJehova akutjhoko:
‘Ngihlela ukuletha ihlekelele emndenini lo+ ongeze wayibalekela.+
Angekhe nisazikhakhazisa+ ngombana sekusikhathi sehlekelele.+
4 Mhlokho abantu bazokukhuluma ngani, bazokutjho isaga ngani,Bazokulila banizwele ubuhlungu.+
Bazokuthi: “Sitjhatjalaliswe ngokupheleleko!+
UZimu uthethe ilifa lethu walinikela abanye, ilifa lethu litjhabalele!+
Nenarhethu inikelwe abantu abangakathembeki.”
5 Akunamuntu ozanihlukanisela inarha ngefumbeEbandleni lakaJehova.
6 “Lisani ukutjhumayela!” Bayatjhumayela,Akukafuzi batjhumayele ngezintwezi;Angekhe sihlaziseke!”
7 Nzukulwana zakaJakopo, nithi:
“Kghani ummoya kaJehova awusabekezeli?
Zizenzo zakhe lezi na?”
Uyazi ukuthi ngibathembisa izinto ezihle labo abenza okulungileko?
8 Kodwana muva nje abantu bami sebaphenduke amanaba.
Nibahlubulise umkghabiso omuhle nesambathoLabo abadlula ngokuzithemba, njengalabo ababuya epini.
9 Uqotha abafazi babantu bami ngeendlini zabo abazithandako;Uthathela abantwabami izinto ezihle engibabusise ngazo ungasazibuyisa.
10 Sikimani nikhambe ngombana le akusiyindawo yokuphumula.
Ngebanga lokusilaphala kwayo izokutjhatjalaliswa.+
11 Nange umuntu aphorofida begodu akhohlise akhulume amala athi:
“Ngizokutjhumayela kini ngewayini nangotjwala,”Uzokuba mtjhumayeli wabantwaba!+
12 Wena Jakopo, ngizonibuthelela noke:
Ngizokubuthelela ndawonye boke abaseleko bakwa-Israyeli.+
Ngizobenza babe munye njengezimvu esibayeni,Njengomhlambi emadlelwenawo,+Kuzokuba netjhada labantu.’+
13 Ozokuvula intunja ebodeni, uzokukhamba phambi kwabo;Bazoyenza ivuleke begodu baphume esangweni.+
Ikosabo izokukhamba phambi kwabo,UJehova uzobadosa phambili.”+
