Obadiya 1:1-21
1 Umbono ka-Obadiya:*
Nakhu iKosi ePhakemeko uJehova ekutjhoko malungana nabakwa-Edomu:+
“Sizwe umbiko ovela kuJehova,Kuthunyelwe isithunywa hlangana neentjhaba sathi:
‘Asizilungiseleleni ipi ngokujamelene nebakwa-Edomu.’”+
2 “Qala! Ngikwenze wanyazeka hlangana neentjhaba;Uyanyenywa.+
3 Ukuzikhukhumeza kwehliziywakho kukukhohlisile,+Wena ohlala edwaleni elisithekileko,Uhlala esiqongolweni, uthi ehliziywenakho,‘Ngubani ongangiphosela phasi?’
4 Ngitjho nanyana indawakho ingaba phezulu njengekhozi,*
Namkha indawakho ibe hlangana neenkwekwezi,Ngizokuhlisa khonapho,” kutjho uJehova.
5 “Nakufika amasela kuwe, kufika abadlelezeli ebusuku,Bebangekhe na bathathe kwaphela abakufunako?
Namkha thana kufike ababutheleli bamadiribe,Bebangekhe na batjhiye amanye bona aburujwe?+
Kodwana wena uzokutjhatjalaliswa manabakho!*
6 Athethe koke okungekwaka-Esewu.
Akhenge atjhiye litho emabulungelwenakhe wamagugu!
7 Akuqothe enarhenawo.
Boke abenze isivumelwano nawe bakukhohlisile.
Abantu abanokuthula nawe bakuhlulile.
Abantu abadla uburotho nawe bazokuthiya ngenede,Kodwana angekhe uyibone.”
8 UJehova uthi, “Ngelangelo,Ngizokutjhabalalisa abahlakaniphileko kwa-Edomu+
Ngizokutjhabalalisa nabanelemuko esifundeni seentaba saka-Esewu.
9 Iingorho zakho zizokusaba+ Temani,+Ngombana omunye nomunye wazo esifundeni seentaba saka-Esewu uzokutjhatjalaliswa.+
10 Ngebanga lenturhu eyenzeke kumfowenu uJakopo,+Uzokuhlaziseka khulu,+Uzokutjhabalala ngokungapheliko.+
11 Ngelanga owajamela ngalo eqadi,Ngelanga abantu abangaziwako abathumba ngalo ibutho lakhe,+Lokha abantu abavela kwenye inarha nabangena esangweni lakhe benza ifumbe+ eJerusalema,Wenza njengabo.
12 Bekungakafuzi ubukele okwehlela umfowenu ngelanga lehlekelele aqalana nayo,+Bekungakafuzi uthabe nawubona abantu bakwaJuda ngelanga abatjhabalala ngalo,+Bekungakafuzi ukhulume ngokuzikhukhumeza ngelanga lamatshwenyekwabo.
13 Bekungakafuzi uze esangweni labantu bami ngelanga lamatshwenyekwabo,+Bekungakafuzi ubukele ihlekelelakhe ngelanga lamatshwenyekwakhe,Bekungakafuzi uthathe umnothwakhe ngelanga lamatshwenyekwakhe.+
14 Bekungakafuzi ujame eendleleni bona urhayile abaphunyurhileko bakamfowenu,+Bekungakafuzi unikele abasindileko bakamfowenu emanabeni.+
15 Ngombana ilanga lakaJehova elizokujamelana nazo zoke iintjhaba liseduze.+
Njengombana wenza, kuzokwenziwa okufanako nakuwe.+
Ngendlela ophathe ngayo abanye nawe uzokuphathwa njalo.
16 Ngendlela osele ngayo entabenami ecwengileko,Zoke iintjhaba zizokuhlala zisela kiyo.+
Zizokusela ziminye ikapho yelaka lakaZimu,Kuzokuba ngasuthi akhenge zibe khona.
17 ENtabeni yeZiyoni kuzokuba nalabo abaphunyurhileko,+Izokucwengeka,+Iinzukulwana zakaJakopo* zizokuthatha izinto zabo.+
18 Iinzukulwana zakaJakopo zizokuba mlilo,Iinzukulwana zakaJosefa zibe malangabi,Iinzukulwana zaka-Esewu zizokuba njengeengojwana;Bazozitjhisa baziqede,Akekho ozokusinda eenzukulwaneni zaka-Esewu,+Ngombana uJehova ukhulumile.
19 Bazokuhlala eNegebhi neentabeni zesifunda saka-Esewu,+SeTjhefela nesenarheni yamaFilista.+
Bazokuhlala esimini yakwa-Efrayimu nesimini yeSamariya,+UBhenjamini uzokuhlala eGiliyadi.
20 Malungana nabantu abadingiselwe endaweni evikelekileko,+Abantu bakwa-Israyeli bazokuhlala enarheni yamaKanana ukuyokufika eTsarifathi.+
Abadingisiweko beJerusalema ebebaseSerafadi bazokuhlala emadorobheni weNegebhi.+
21 Abasindileko bazokukhuphukela eNtabeni yeZiyoni
Bona bahlulele isifunda seentaba saka-Esewu,+Ubukhosi buzokuba ngebakaJehova.”+
Imitlolo Ephasi
^ Kutjho ukuthi “iNceku kaJehova.”
^ Namkha kungenzeka “uphaphela phezulu.”
^ Namkha kungenzeka “Kunengi kangangani ebebazokutjhabalalisa?”
^ NgesiHebheru, “Indlu kaJakopo.”
