Rute 3:1-18
3 UNawomi unosokana kaRute wathi kuye: “Mntazanami, kungaba njani nangingakufunela umuntu ongatjhada naye+ bona akutlhogomele?
2 Kazi uBhowazi sihlobo sethu.+ Ngiloya egade usebenza neensebenzi zakhe ezisikazi. Ebusukwini banamhlanjesi uzabe ayela ibhali eselelweni.
3 Nje-ke hlamba uzizese ngamafutha anuka kamnandi; wembathe izambatho ezihle khulu, utjhinge eselelweni. Wenze ukuthi angakuboni bekube kulapho aqeda ukudla nokusela.
4 Nakayokulala, qalisisa bona ulala kuphi; ngemva kwalokho, uyomambula ngeenyaweni ulale khona. Yena uzakutjela bona kufuze wenzeni.”
5 URute wathi: “Koke okutjhoko ngizokwenza.”
6 Nje-ke watjhinga eselelweni, wenza koke unosokanakhe athe akwenze.
7 UBhowazi wadla, wasela, wazizwa athabile. Wakhamba wayokulala ngeqadi kweenquthulo zeenthoro. Ngemva kwalokho, uRute wakhukhutha wamembula ngeenyaweni, wangena walala.
8 Phakathi kobusuku uBhowazi wathoma ukuqhaqhazela, wavusa ihloko wabona umfazi alele ngeenyaweni zakhe.
9 Wambuza wathi: “Ungubani?” Wathi: “Ngimi uRute, isisebenzi sakho. Ngithabululela isambatho sakho ngombana umhlengi.+
10 UBhowazi wathi: “Kwanga uJehova angakubusisa mntazanami. Utjengise ukuthi unethando elithembekileko kilokhu ukudlula ekuthomeni+ ngokungagijimi ngemva kwamasokana anjingileko namkha adududu.
11 Nje-ke ungasabi mntazanami. Ngizokwenzela koke okubawako,+ ngombana woke umuntu edorobheneli uyazi bona umfazi olungileko.
12 Khona kuliqiniso bona ngimhlengi,+ kodwana kunomunye umhlengi osihlobo esiseduze khulu kunami.+
13 Lala lapha namhlanjesi, nangabe uzokuhlenga ekuseni, kulungile! Akakuhlenge.+ Kodwana nangabe akafuni, ngizokuhlenga mina, ngifunga ngoJehova. Lala lapha bekube sekuseni.”
14 Walala ngeenyaweni zakhe bekwasa, wavuka ekuseni khulu kusesemnyama bona kungabi nomuntu ombonako. UBhowazi wathi: “Kungabi nomuntu owaziko bona khekwafika umfazi eselelweni.”
15 Ngemva kwalokho, wathi kuRute: “Letha isambatho osimbethekweso, usivule.” Yeke wasivula, wamthelela iinlinganiso ezisithandathu zebhali,* wamupha zona, ngemva kwalokho uBhowazi waya edorobheni.
16 URute wabuyela kunosokanakhe, unosokanakhe wambuza: “Ukhambe njani mntazanami?” Wamtjela koke uBhowazi amenzele khona.
17 Waraga wathi: “Ungiphe nanzi iinlinganiso ezisithandathu zebhali wathi, ‘Ungabuyeli kunosokanakho ungakaphathi litho.’”
18 UNawomi wathi: “Hlala lapha mntazanami bekube kulapho ubona ukuthi izinto zizokukhamba njani ngombana akazukuphumula bekube kulapho indaba le ilunga namhlanjesi.”
Imitlolo Ephasi
^ Kungenzeka iinlinganiso ezisithandathu zeseya namkha amalitha ama-44. Qala Isith. B14.
