Zefaniya 1:1-18
1 Ilizwi lakaJehova lafika kuZefaniya* indodana kaKutjhi, indodana kaGedaliya, indodana ka-Amariya, indodana kaHezekiya emihleni kaJosiya+ indodana ka-Amoni+ ikosi yakwaJuda:
2 “Ngizokuthanyela koke okusephasini,” kutjho uJehova.+
3 “Ngizokuthanyela umuntu nesibandana.
Ngithanyele iinyoni zomkayi neenhlambi zelwandle,+Iinqabo*+ nabakhohlakeleko;Ngizokususa boke abantu ephasini kutjho uJehova.
4 “Ngizokululela isandla sami ngokujamelene noJuda
Nangokujamelene nazo zoke izakhamuzi zeJerusalema,Ngizokususa endaweni le boke abaseleko bakaBhali,+Igama labaphristi bakazimu ongaziwako nabaphristi bamala,+
5 Nalabo abakhothamela ibutho lezulwini baphezu kwezindlu,+Nalabo abakhothama, benze isithembiso sokuthembeka kuJehova+
Kukulapho benza isithembiso sokuthembeka kuMalikamu;+
6 Nalabo abalisa ukulandela uJehova+
Nalabo abangafuni uJehova namkha bafune isinqophiso sakhe.”+
7 Thulani phambi kweKosi ePhakemeko uJehova, ngombana ilanga lakaJehova litjhidele.+
UJehova ulungiselele umhlatjelo; ucwengise labo abamemileko.
8 “Ngelanga lomhlatjelo kaJehova ngizokujezisa amakhosana,Amadodana wekosi+ nabo boke abambethe izambatho zakwezinye iinarha.
9 Ngizokujezisa boke abakhwela endaweni yesikhulumi* ngelangelo,Labo abazalisa indlu yekosabo ngenturhu nangekohliso.
10 Ngelangelo,” kutjho uJehova
“Kuzokuba netjhada lesililo eSangweni leHlambi,+Ukurhahlawula engcenyeni etja yedorobho,+Netjhada lokuphahlazeka emibundwini.
11 Rhahlawulani nina zakhamuzi zeMakethe,*
Ngombana boke abarhwebi babulewe;Boke labo abakala isiliva batjhatjalalisiwe.
12 Ngesikhatheso ngizokuhlolisisa iJerusalema ngeembani,Begodu ngizokujezisa labo abanelisekileko ngendlela abaphila ngayo abathi eenhliziyweni zabo,‘UJehova angekhe enze okuhle begodu angekhe enze okumbi.’+
13 Umnothwabo uzokudlelezelwa nezindlu zabo zizokutjhatjalaliswa;+Bazokwakha izindlu kodwana angekhe bahlale kizo;Bazokutjala amasimu wamadiribe kodwana angekhe basele iwayini elivela kiwo.+
14 Ilanga elikhulu lakaJehova liseduze!+
Liseduze begodu litjhidela msinya khulu!+
Itjhada lelanga lakaJehova liyathusa.+
Ngelangelo nengorho izokurhuwelela.+
15 Ilangelo lilanga lelaka,+Lilanga lokugandeleleka nesizi,+Lilanga lesiwuruwuru nokutjhabalalisa,Lilanga lobumnyama nokufiphala,+Lilanga lamafu nelobumnyama obukhulu,+
16 Lilanga lephondo nelokukhalela kwengoma yepi,+Ngokujamelene namadorobho avikelekileko nemibhotjhongo ephakamileko esekhoneni.+
17 Ngizokwenza abantu bagandeleleke,Begodu bazokukhamba njengeemphofu,+Ngombana bonile kuJehova.+
Iingazi zabo zizokuphalazwa njengethuli,Nenyamabo njengobulongwe.+
18 Isiliva namkha igolide labo angekhe likghone ukubasindisa ngelanga lelaka lakaJehova;+Iphasi loke lizokutjhiswa mlilo wetjisekwakhe,+Ngombana uzokutjhabalalisa boke abahlala ephasini, ngokutjhabalalisa okukhulu.”+
Imitlolo Ephasi
^ Kutjho ukuthi “Loyo Ofihlwe NguJehova (Oligugu).”
^ Kungenzeka izinto namkha imisebenzi ehlobene nokulotjha iinthombe.
^ Kungenzeka indawo yesikhulumi yesihlalo sobukhosi sekosi.
^ Ngasuthi yingcenye yeJerusalema eseduze neSango leHlambi.
