Boke abantu bakaJehova bangakghona ukwenza imisebenzi emihle ekonzweni ecwengileko kaZimethu abazokukhunjulwa ngayo. Njengombelethi othanda abantwana bakhe angekhe akhohlwe izinto ezihle abazenzileko, ngendlela efanako uJehova angeze awukhohlwe umsebenzethu nethando esilitjengise ebizweni lakhe. (Mat 6:20; Heb 6:10) Iye, amakghono nobujamo bethu buyahlukahluka ekuphileni kwethu. Ngaphezu kwalokho, nasenza koke esingakghona ukukwenza ekulotjheni uJehova, sizokuthaba. (Gal 6:4; Kol 3:23) Sekudlule iminyaka eminengi, iinkulungwana zabodadwethu nabafowethu zikhonza eBethel. Ungakghona na ukuyokusiza eBethel? Nawungekhe ukwazi, ungakghona na ukukhuthaza othileko namkha usize ilunga lomndeni weBethel bona liragele phambili lisesabelweni esikhethekilekwesi?

BUKELA IVIDIYO ETHI, UKUNGENELA IKONZO YEBETHEL, BESE UPHENDULA IMIBUZO ELANDALEKO:

• Yini ekufuze isikhuthaze bona singenele ikonzo yeBethel?

• Khuyini etjhiwo babanye ngeembusiso zokukhonza eBethel?

• Ziyini iimfuneko zokukhonza eBethel?

• Ungasifaka njani isibawo sokukhonza eBethel?