Kubayini kufuze sisebenzise isikhathi sethu sinabantu abathanda uJehova? Ngebanga lokuthi abantu esizihlanganisa nabo bangasikhuthaza bona senze okuhle namkha okumbi. (IzA 13:20) Ngokwesibonelo, iKosi uJowatjhi ‘yenza okulungileko phambi’ kwakaJehova kwaphela nakahlala anoJehoyada umPhristi omKhulu. (2Kr 24:2) Ngemva kokufa kwakaJehoyada, uJehowatjhi walahla uJehova ngebanga lokuzihlanganisa nabantu abambi.—2Kr 24:17-19.

Ekhulwini lokuthoma umpostoli uPowula wafanisa ibandla lobuKrestu ‘nendlu ekulu,’ amalunga webandla wawafanisa ‘nezitja.’ Sizokuhlala sizizitja ‘ezisetjenziselwa izinto eziqakathekileko’ nangabe sibalekela ukwenza ubungani nananyana ngubani ongamthabisiko uJehova, kungaba mumuntu osebandleni namkha lilunga lomndeni. (2Tm 2:20, 21) Yeke, asirageleni phambili sakha ubungani nalabo abathanda uJehova begodu abasikhuthaza bona simlotjhe.

BUKELA IVIDIYO ETHI FUNDA UKWALA ABANGANI ABAMBI, BESE UPHENDULA IMIBUZO ELANDELAKO:

• Ngiziphi ezinye iindlela esingazihlanganisa ngazo nabangani abambi?

• Edrameni le, ngiziphi iindlela ezintathu ezisize amaKrestu bona alise abangani abambi?

• Ngiziphi iinkambisolawulo ezingakusiza ukhethe abangani ngokuhlakanipha?