Encwadinakhe ayitlolela uTitosi, umpostoli uPowula wathi amadoda asesematjha, kuhlanganise noTitosi, kufuze azimisele bona abe ‘sibonelo semisebenzi emihle ngazo zoke iindlela.’ (Tit 2:6, 7) Esahlukweni esifanako, uveza ukuthi uJesu uzokuhlwengisa abantu bakaJehova ukwenzela bona ‘batjhisakalele imisebenzi emihle.’ (Tit 2:14) Eminye yemisebenzi emihle, kutjhumayela nokufundisa abantu ngomBuso kaZimu. Nange umumuntu omutjha, kghani ungasebenzisa amandlakho bona ube liphayona elisizako namkha lesikhathi esizeleko?—IzA 20:29.

Nawungathanda ukuba liphayona, hlela ubujamo bakho bona ukghone ukwenza njalo. (Luk 14:28-30) Ngokwesibonelo, uzozisekela njani ngokweemali nawuphayona isikhathi esizeleko? Uzowazalisa njani ama-awara afunekako? Thandaza ngendaba le kuJehova. (IR 37:5) Coca nababelethi bakho nalabo esele banesikhathi baphayona. Ngemva kwalokho, thatha amagadango wokuzalisa umgomwakho. Qiniseka bona uJehova uzoyibusisa imizamwakho yokutjhisakalela imisebenzi emihle!

BUKELA IVIDIYO ETHI, ABANTU ABATJHA BADUMISA UJEHOVA BESE UPHENDULA IMIBUZO ELANDELAKO:

• Ngiziphi iintjhijilo abanye abazihlulileko bona babe bamaphayona, begodu bakwenze njani lokho?

• Ababelethi bangabasiza njani abantwana babo bona babe maphayona wesikhathi esizeleko?

• Kubayini kuqakathekile ukuba nehlelo lokutjhumayela?

• Amalunga webandla angamkhuthaza begodu amsize njani umuntu ophayonako?

• Ngiziphi iimbusiso ezifunyanwa ngilabo abaphayonako?