Kusukela ngo-2018, abomagazini bomphakathi bebakhuluma ngesihloko sinye. Boke abomagazinaba bayingcenye yamaThulusethu wokuFundisa. Yeke singabasebenzisa esimini. Singabaphatha nasikhambako nofana nasiya eentolo. Abomagazinaba abakenzelwa ukufunda iBhayibheli nabantu, kodwana bangenza umuntu athande ukufunda okungeziweko ngoZimu.

Ngemva kokuthoma ikulumiswano, funda umtlolo begodu ukhulume ngesihloko esikumagazini esingathandwa mumuntu loyo. Ngokwesibonelo, nangabe umuntu loyo unomndeni, uqalene nobuhlungu nofana ugandelelekile ungathi: “Kunesihloko engisifundileko esikhuluma ngendaba le. Ngingakutjengisa?” Nangabe uyakuthanda ukufunda, ungamnikela umagazini nofana umthumelele i-link yomagazini loyo ngefowuni. Nanyana ukukhambisa abomagazini kungasimnqophwethu bangasisiza bona sifumane abantu abafuna ukulalela.—IzE 13:48.