IBhayibheli lathi uSathana uzositjhutjhisa ukwenzela bona alinge ukwehlisa izinga lekonzwethu. (Jwa 15:20; sAm 12:17) Singawasiza njani amaKrestu atjhutjhiswako ahlala kwezinye iinarha? Singawathandazisa. “Umthandazo wolungileko unamandla begodu uyasebenza.”—Jak 5:16.

Khuyini esingayithandazela? Singabawa uJehova ukuthi aqinise abafowethu nabodadwethu, begodu abasize bona bangasabi. (Isa 41:10-13) Singathandazela neemphathimandla ukuthi zithande umsebenzethu wokutjhumayela, “ukuze siphile kuhle nangokuthula.”—1Tm 2:1, 2.

Ngesikhathi uPowula noPitrosi batjhutjhiswa, amaKrestu wekadeni abathandazela ababiza nangamagama. (IzE 12:5; Rom 15:30, 31) Ngitjho nanyana amanye amaKrestu atjhutjhiswako namhlanjesi singawazi ngamagama, singawathandazela na ngokutjho amabandla abakiwo, inarha namkha isifunda?