Nangabe umumuntu omutjha omrhuweleli ongakabhajadiswa namkha osafundelwa iBhayibheli, kghani unesifiso sokubhajadiswa? Kubayini kufuze ubhajadiswe? Ukuzinikela nokubhajadiswa kwakho kuzokwenza bona ubemngani kaJehova ngendlela ekhethekileko. (IR 91:1) Kungasisindisa. (1Pt 3:21) Khuyini ongayenza bona ubhajadiswe?

Qiniseka ngokuthi leli liqiniso. Nangabe uba nemibuzo yenza irhubhululo. (Rom 12:2) Zibuze ukuthi ngimaphi amatjhuguluko ekutlhogeka bona uwenze nawuzakuthabisa uJehova. (IzA 27:11; Efe 4:23, 24) Thandaza kuye ngaso soke isikhathi bona akusize. Qiniseka ngokuthi uJehova uzokuqinisa bekakusekele ngommoyakhe ocwengileko onamandla. (1Pt 5:10, 11) Umzamo owenzako uqakathekile begodu ungaba nemiphumela emihle. Ukulotjha uJehova yindlela engcono khulu yokuphila!—IR 16:11.

BUKELA IVIDIYO ETHI, INDLELA ETJHINGA EKUBHAJADISWENI, BESE UPHENDULA IMIBUZO ELANDELAKO:

• Ngiziphi iinqabo abanye abazihlulileko bona babhajadiswe?

• Ungakuqinisa njani ukukholwa kwakho bona uzinikele kuJehova?

• Khuyini eyenze abanye bathatha amagadango atlhogekako bona babhajadiswe?

• Ngiziphi iimbusiso ezifunyanwa ngilabo abakhetha ukulotjha uJehova?

• Kutjho ukuthini ukuzinikela nokubhajadiswa?