Njengombana uJehova bekahlela ama-Israyeli, nanamhlanjesi uhlela abantu bakhe bona benze intandwakhe. Ephasini mazombe, ama-ofisi wegatja, iingodi, amabandla, neenqhema zesimu zoke ziyasebenzisana bona kutjhunyayelwe iindaba ezimnandi. Sitjhumayeza abantu boke kuhlanganise nalabo abakhuluma amanye amalimi.—sAm 14:6, 7.

Kghani khewakucabangela ukufunda elinye ilimi bona usize abanye bafunde iqiniso? Ngitjho nanyana ungekhe wakghona ukufunda elinye ilimi, ungasebenzisa i-JW Language app ukufunda itjumayelo elula. Ngemva kokuyisebenzisa esimini, ungazizwa njengabafowethu bekadeni ebebathatjiswe kukuthi abantu beentjhaba bezwe ‘izinto ezibabazekako zakaZimu’ ngamalimi wabo.—IzE 2:7-11.

DLALA IVIDIYO ETHI, YIBA MNGANI KAJEHOVA—TJHUMAYEZA ABANTU ABAKHULUMA ELINYE ILIMI, BESE UPHENDULA IMIBUZO ELANDELAKO:

• Ungayisebenzisa nini i-JW Language app?

• Ngiziphi ezinye izinto ezifumaneka kiyo?

• Ngimaphi amalimi akhulunywa babantu bendaweni enihlala kiyo?

• Khuyini ekufuze uyenze nangabe kunomuntu othanda ukufunda iBhayibheli kodwana okhuluma elinye ilimi?—od 100-101 ¶39-41