Ngimiphi imiraro oqalana nayo qobe langa? Kghani uyihloko yomndeni elinga ukutlhogomela umndenayo? Namkha umbelethi olinga ukukhulisa abantwana uwedwa? Kghani umntwana ohlunguphazwako esikolweni? Kghani uyagula namkha unemiraro yokuluphala? Soke sinemiraro. AmaKrestu amanengi aqalene neentjhijilo ezinengi ngokulandelana ngesikhathi sinye. Nanyana kunjalo, siyazi bona kungasikade sizokutjhaphuluka emirarweni esinayo.—2Ko 4:16-18.

Njengombana isikhatheso singakafiki, kuyasiduduza ukwazi ukuthi uJehova uyayizwisisa imirarwethu, uyakuthabela ukuthembeka nokukghodlhelela kwethu begodu usibekele iimbusiso ezinengi. (Jor 29:11, 12) UJesu naye unendaba nathi begodu nasiragela phambili ngokwenza imisebenzi yobuKrestu siyaqiniseka nakathi: “Nginani.” (Mat 28:20) Nasihlala sicabanga ngetjhaphuluko, esizoyifumana nakubusa umBuso kaZimu, siqinisa ithemba nokuzimisela kwethu ukukghodhlelela iinlingo esiqalana nazo nje.—Rom 8:19-21.

BUKELA IVIDIYO ETHI, HLALANI NIQALE KUJESU NJENGOMBANA ISIWURUWURU SITJHIDELA! BESE UPHENDULA IMIBUZO ELANDELAKO:

• Kwenzeka njani bona abantu bahlukaniswe noZimu, begodu kwaba namuphi umphumela?

• Ngiliphi ingomuso elilindelwe ngilabo abathembekileko kuJehova?

• Singalifumana njani ingomusweli?

• Khuyini oyilindeleko ephasini elitjha?