ImiTlolo isitjela ukuthi siphathe amaKrestu akhulileko njengabomma nabobaba, abantu abatjha njengabantwana bekhaya. (Funda 1 Thimothi 5: 1, 2.) Abafowethu kufuze babaphathe ngendlela ehloniphekileko abodadwethu.

Umfowethu akukafuzi adlale ngethando namkha enze nanyana yini engenza udadwethu azizwe angakatjhaphuluki nakanaye. (Job 31:1) Umfowethu ongakatjhadi akukafuzi adlale ngemizwa kadadwethu ongakatjhadi ngokwenza ngasuthi ufuna bathandane.

Abadala kufuze babacabangele ngomusa abodade ababuza imibuzo ngehlonipho namkha abaveza okuthileko ekufuze kulungiswe. Abadala babacabangela ngendlela ekhethekileko abodadwethu abangakatjhadi nalabo ababahlolokazi abanganabo abayeni abangabavikela.—Rut 2:8, 9.

BUKELA IVIDIYO ETHI, RAGELANI PHAMBILI NITJENGISA ITHANDO EBANDLENI—EBAHLOLOKAZINI NEENTANDANENI, BESE UPHENDULA IMIBUZO ELANDELAKO:

• Ibandla lamtjengisa njani udade Myint ithando ngendlela emangazako?

• Indlela ibandla elabatjengisa ngayo ithando inikele buphi ubufakazi emphakathini?

• Ithando elatjengiswa libandla libathinte njani abentazana bakadade Myint?