IBhayibheli lizele ngeembonelo zemithandazo eyaphendulwa nguJehova. Lokha iinceku zakaZimu nazibona indlela uJehova alalela ngayo amatshwenyekwazo akunakuzaza ukuthi ukukholwa kwazo kwaqina. Yeke, kuhle bona lokha nasithandazako sitjho ngokunqophileko esikubawako bese silinge ukubona indlela uJehova awuphendula ngayo. Khumbula ukuthi indlela aphendula ngayo ingahluka kilokho esikulindeleko namkha ibe ngaphezu kwalokho esikubawileko. (2Ko 12:7-9; Efe 3:20) Khuyini uJehova angasenzela yona nakasiphendulako?

• Amandla, ukuba nommoya ophasi nokukholwa bona sikghone ukuqalana nomraro.​—Flp 4:13

• Ukuhlakanipha kokwenza isiqunto esihle.​—Jak 1:5

• Isifiso namandla wokwenza okuthileko.​—Flp 2:13

• Ukuba nommoya ophasi nasitshwenyekileko.​—Flp 4:6, 7

• Abanye bangasisiza ngezinto esizitlhogako namkha basiduduze bebasikhuthaze.​—1Jw 3:17, 18

• Isizo kilabo esibathandazelako.​—IzE 12:5, 11

BUKELA IVIDIYO ETHI, UJEHOVA “MUMUZWI WOMTHANDAZO” BESE UPHENDULA IMIBUZO ELANDELAKO:

• Lokho umFowethu uShimizu aqalana nakho kungasikhuthaza njani lokha nasingakghoni ukwenza okunengi ngebanga lokugula?

• Singasilingisa njani isibonelo sakamFowethu uShimizu?