Siwasebenzisa kuhle amandlethu lokha nasizibekela iminqopho emsebenzini kaJehova. (1Ko 9:26) Iminqopho isisiza sisisebenzise kuhle isikhathi esiseleko ngaphambi kokufika kwesiphelo. (Efe 5:15, 16) Lokha nanenza ukulotjha komndeni, kubayini ningazibekeli iminqopho ngomnyaka wekonzo omutjha? Encwajaneni yomhlangano le kuneenhloko ezineminqopho ongazibekela yona bewuthandaze ngayo.—Jak 1:5.

Ngokwesibonelo, umndeni ungabambisana bewuhlele ukuthi ngubani osebujamweni obuhle obuzomvumela bona abe liphayona lesikhathi esizeleko. Nangabe awuqiniseki bona uzokukghona ukufikelela ama-awara atlhogekako, kuzokusiza ukukhuluma namanye amaphayona asebujamweni obufana nebakho. (IzA 15:22) Mhlamunye ningahlela bona nikhulumisane nephayona ekulotjheni kwenu komndeni. Ngemva kwalokho, tlola phasi ihlelo elingakusebenzela. Nangabe khewaphayona phambilini, hlola ubujamo bakho ubone ukuthi ngeze wakghona ukuphayona godu.

Kghani bakhona abanye emndenini abangathatha ubuphayona obusizako inyanga yinye namkha ezimbili? Nangabe ubujamo abukuvumeli, ungaba liphayona elisizako usebenzisa isikhatjhana utjhumayela qobe langa. Nangabe unesikhathi esincani sokutjhumayela hlangana neveke ngebanga lomsebenzi wokuziphilisa namkha ngebanga lesikolo, kungaba kuhle ukukhetha inyanga enamaholideyi namkha iimpelaveke ezihlanu. Tlolani phasi ekhalendeni ukuthi ningabuthatha nini ubuphayona obusizako begodu nitlole nehlelo enizolilandela.—IzA 21:5.

BUKELA IVIDIYO ETHI, IBA NESIBINDI . . . NAWULIPHAYONA BESE UPHENDULA UMBUZO OLANDELAKO:

• Okwenzeka kuDade Aamand kusifundisani ngethando lakaJehova ngalabo abazidelako bona baphayone?